621 buah rumah ungkus murah udah digaga
Kelimpah ari nya perintah BN deka ngaga 68 unit RMM di baruh program PPR di Saratok
KUCHING: Perintah Barisan Nasional (BN) udah ngaga 621 unit Rumah Ungkus Murah di Saratok sereta penyampau nya deka nambah jemah ila.
Menteri Muda Pengawa Berumah Datuk Abdul Karim Rahman Hamzah madah, opis menteri udah minta piak HDC bejalaika pansik bekaul enggau perambu pemansang pengawa berumah baru jemah ila.
“Naka ke diatu perintah BN udah ngaga 621 unit Rumah Ungkus Murah di Saratok.
“Perintah deka ngaga 68 unit agi Rumah Mampu Milik (RMM) di baruh Program Perumahan Rakyat (PPR) taun baru.
“Opis Menteri udah ngasuh HDC ngaga pansik silik pasal peminta bekaul enggau rumah di kandang menua Saratok, ke perambu pengawa berumah baru jemah ila,” ku iya.
Karim mansutka pekara nya lebuh ti nyaut tanya ari Ali Biju (PKR - Krian) maya sesi saut tanya nyerumba Aum Kunsil Negeri ditu,
“
Opis Menteri udah ngasuh HDC ngaga pansik silik pasal peminta bekaul enggau rumah di kandang menua Saratok, ke perambu pengawa berumah baru jemah ila. Datuk Abdul Karim Rahman Hamzah ” Menteri Muda Pengawa Berumah
kemari, pasal perambu pemansang pengawa berumah di kandang menua Saratok.
Kelimpah ari Karim madahka orang ti ulih meli Rumah Ungkus Murah eng- gau RMM nengah PPR patut peranak Malaysia ti diau di Sarawak, penatai pemisi kasar ruang bilik RM650 ngagai RM3,000, umur 18 ngagai 65 taun enggau kebukai.
“Pemeli rumah ungkus murah enggau rumah ke ulih dibeli tu enda tau enda udah bisi ruang bilik, duda, janda, apai tauka indai tunggal.
“Pembeli mega patut nadai tanah tauka rumah dalam kandang endur ke dipinta nya,” ku iya.