Penyampau MRP patut diterang ngagai nembiak redak: Rundi
Ketuai ba rumah panjai nyengkaum JKKK patut madah ngagai mensia mayuh penyampau MRP ke bisi diterima ari perintah ninting taun
BINTULU: Semua raban tuai rumah tauka sebarang pengari Komiti pemansang enggau Pengelikun Genturung Pendiau ( JKKK), sebarang gerempung enggau serakup patut nerangka penyampau bantu Projek Mit Pemansang Menua Pesisir (MRP) ke diterima ari perintah ngagai rayat rumah panjai tauka nembiak redak genturung pendiau ke dipegai sida.
Menteri Muda Rengka Rama (Elektrik enggau Penyambung) ke mega Menteri Muda Pemansang Raban Nembiak (Menua Pesisir), Datuk Dr Stephen Rundi Utom madah, pekara nya patut dikemerat ngambika rayat sama bela nemu penyampau ungkup ke diberi perintah nengah sebarang MRP ke ulih meri penguntung ngagai semua piak.
Ku iya, chara dikena ngenataika penerang nya ngagai rayat iya nya nengah aum entara raban pemesai rumah panjai enggau rayat.
“Ninting taun diberi un-
“
Enti pekara tu enda dikeibuh, iya ulih ngerusak kaul entara peranak rumah panjai ketegal peragam runding enggau penemu ke enda manah berindik ari pekara nya laban ngumbai duit nya lesap
” enda temu kini penunga. Datuk Dr Stephen Rundi Utom Menteri Muda Rengka Rama (Elektrik enggau Penyambung)
gkup MRP, nya alai, ketuai ba rumah panjai nyengkaum JKKK patut madah ngagai rayat penyampau bantu ke diberi.
“Atur perambu sereta terangka sebarang pegawa ke dieka diatur ngena bantu tauka geran baru ke diberi perintah nya,” ku iya.
Iya mansutka jaku nya lebuh bejaku ba sebengkah awak nyuaka Geran Projek Mit Pemansang Menua Pesisir (MRP) ngagai 66 raban penerima ke mungkur belanja urung RM1,059,600 ungkup Kunsil Nengeri(DUN) Kemena di Wisma Residen kemari.
Dr Rundi ke mega Kaban Kunsil Nengeri ( ADUN) Kemena madah, semua raban tuai rumah patut lebih chakah seretra aktif bejalaika pengawa sereta seruran meri penerang ke silik ngagai rayat bekaul enggau dasar tauka sebarang langgur pemansang perintah.
Kelimpah ari nya, iya mega minta tuai rumah ke empai nerima sebarang setipikit dichirika nyadi tuai rumah, sida patut besabar laban ku iya, setipikit nya deka dikemaru ninting empat taun sekali, ukai semina mungkur sebengkah endur aja tang ungkup semua endur di serata nengeri Sarawak.
Nangkanka nya, Tuai Opis Pelilih Menua Bintulu, Tuah Suni mega ngelalau semua penerima geran MRP ngambika nguna bantu geran nya enggau chara ke betul. Anang salah guna, pia ku iya.
Ku iya, duit ke diterima patut dipadahka ngagai kaban JKKK bukai kini ke penunga guna duit nya nengah chara baum dikena nyeliahka sebarang petenah.
“Enti pekara tu enda dikeibuh, iya ulih ngerusak kaul entara peranak rumah panjai ketegal peragam runding enggau penemu ke enda manah berindik ari pekara nya laban ngumbai duit nya lesap enda temu kini penunga,” ku iya.
Nyempulang pengawa nyuaka geran MRP iya nya pengawa nyuaka insentif penyulut sekula ngagai empat iku nembiak sekula ke mujur teulihka pemutus peresa 5A dalam Ujian Pencapaian Sekolah Rendah (UPSR) 2014. Sida ke nerima insentif iya nya, Ashley Mas Gimang (SK Bukit Balai), Ulan Usat (SK Bukit Balai), Teresa Johnatan Unggut (SK Sungai Genaan) sereta Amir Amira Lujah (SK Kuala Sigu).
Sama bisi datai ngulu pengerami nya, Sekretari Politik Kepala Menteri, Victor Temenggong Angang sereta Jenny Bangga, Pegawai Tadbir Pelilih Mit Sebauh, David Kalla sereta tuai raban bansa ke bukai.