Peranak Kpg Seduan Jaya ngutuk kunteriktor enda tetembuka projek
SIBU: Seraban peranak Kampung Seduan Jaya/Block Jalai Oya Sibu mantaika sebaka ngutuk pengawa ke digaga kunteriktor ke udah dipadu ngaga jalai raya ungkup sida.
Tukang Wang Komiti Pemansang enggau Pengelikun Genturung Pendiau (JKKK) Kampung Seduan Jaya/Block Jalai Oya Sibu Tanjung Dunggan ba sebengkah penerang madah, raban kunteriktor nya puntan nembuka pengawa sida.
Iya madah, kira 300 meter jalai betampung enggau sekeda rumah nadai digaga.
Kelimpah ari nya, parit ke udah masuk dalam sab kunterik sida mega nadai digaga.
“Kami bisi dipadahka raban kunteriktor ke ngaga jalai nya beungkus RM500,000.”
“Tang asil pengawa sida enda setipak enggau ungkup projek, pekara tu ke ngasuh kami (rayat) berasai ringat,” ku iya.
Tanjung berkata, panjang keseluruhan bagi jalan berkenaan ialah kira- kira 800 meter.
Taja pia, jalai ke digaga raban kunteriktor nya semina urung 300 meeter aja.
Kenu ku Tanjung, raban iya (JKKK) bisi udah berandauka pekara nya minta kunteriktor nembuka projek nya.
Kelimpah ari nya, Tanjung minta piak nya nyengkaum pengari rayat ngemeratka pekara nya.
Kenu ku Tanjung, tebal agi orang kampung nguan kampung nya kenyau 20 taun ke udah.
Nya alai, enda patut nyema sida dikemeluka ari sukut pemansang infranstruktur.