Anang ngelakka orang ti enda dapat nyadi Tuai Rumah

Tuai Rumah ke udah kelalu tuai patut ditukar ngambika rumah panjai sida bisi orang ngemansang

SRI AMAN: Menteri Muda Betanam Betupi ( Pansik enggau Makit) Datuk Mong Dagang (gambar) madah, rayat ke diau ba rumah panjai ulih nukar Tuai Rumah sida ke udah kelalu tuai tauka enda dapat agi ngereja pengawa.

Kenu ku iya, Tuai Rumah ke udah kelalu tuai patut ditukar laban tanggungpengawa nyadi ketuai raban bansa patut bisi orang megai bejalaika pengawa ngemansangka ru-

“

Pilih Tuai Rumah baru ke nemu ngereja pengawa sereta ulih

” bekerejasama enggau perintah.

mah panjai sida sepanjai maya.

“Semua kita (rayat) rumah panjai ulih ngundi tauka milih Tuai Rumah kita empu. Anang ngelakka Tuai Rumah ke udah kelalu tuai ngaduka pekara rumah panjai laban pengawa nya ulih ngeruga pengerai Tuai Rumah.

“Pilih Tuai Rumah baru ke nemu ngereja pengawa sereta ulih bekerejasama enggau perintah,” ku iya.

Iya ke mega Kaban Kunsil Nengeri (ADUN) Bukit Begunan madah munyi nya rambau bejadi Program MEMBARA Berpidato ‘Malaysia Pilihan Ku’ bepalan di Rumah Unyi, Entulang Engkalat ditu, kemari.

Kelimpah ari nya, Mong mega ngelalau Komiti Pemansang enggau Pengelikun Genturung Pendiau (JKKK) tauka Biro Indu anang nguna agih belanja Projek Mit Pemansang Menua Pesisir (MRP) ke udah diberi pengari rayat enggau pengawa ke salah.

“Tuju MRP diberi awakka ulih dikena mantu ngemansangka pengidup rayat sereta ulih meri penguntung ngagai rayat rumah panjai nyema belanja nya dikena enggau meruan,” ku iya.

Mong ba pengerami nya bisi madahka diri deka meri MRP penyampau RM15,000 ngagai JKKK Rumah Unyie, Entulang Engkalat enggau RM5,000 diberi ngagai biro indu rumah panjai nya.

Bela bisi datai ba program tu iya nya Pemesai Opis Pekara Khas (JASA) Parlimen Sri Aman, Whelton Lumpoi, pengari IPD Sri Aman, S.I Rufus Ikau, bala pemesai opis perintah enggau bala tuai raban bansa di menua Sri Aman.

Datuk Mong Dagang Menteri Muda Betanam Betupi (Pansik enggau Makit)