PTKB ke diatur 10 RRD disukung mensia mayuh

KUCHING: Program Transformasyen Komuniti Mindah Kin Kitu ( PTKB) ke diatur 10 Rejimen Renjer Diraja ( 10 RRD) di Sekula Primari ( SK) Lunying, Sebuyau hari Tiga tu tadi nerima timbal ke chukup manah ari mensia mayuh.

Mayuh bengkah aktiviti bisi diatur sepanjai program nya ke bepun pukul 8.30 pagi nyentuk 3 lemai nyengkaum pengawa beperesa pengerai, meresa ngeli, milih Soldadu Wataniah enggau ngaduka pengawa beripai begulai enggau enggau orang rumah panjai meresi kandang sekula.

Dipelabaka urung 70 iku sida nyengkaum pengajar, nembiak enggau apai indai sida bela nyereta aktiviti ke bisi diatur.

Nyerumba program nya, kira 42 iku orang tuai bisi meresa pengerai diri, nyengkaum dua iku anak mit enggau 21 iku meresa pengerai ngeli.

Program nya dipenyadi Kapten Sabastine Banjar enggau Kepala Pengajar SK Lunying, Hassan.