Udah mayuh pemansang kenyau dipegai BN
Ari nya peranak menua dia dilalau nyukung pengari ke dipilih BN ngambi tau ngasaika pengelantang
ENGKILILI: Kaban Parlimen Lubok Antu William Nyalau anak Badak minta semua peranak di sitak Engkilili nyukung Kaban Kunsil Nengeri (ADUN) Engkilili Dr Johnnical Rayong enti iya dipilih Barisan Nasional (BN) ngetanka sitak nya maya pengawa bepilih nengeri (PRN) tu ila.
“Kitai ngarapka iya (Dr Rayong) dipilih BN ngarika sitak DUN Engkilili maya PRN tu ila,” ku Nyallau
Iya bejaku munyi nya ba atur pengawa bejadika bekal lekterik menua pesisir (BELB) ke diatur Komiti Pemansang enggau Pengelikun Genturung Pendiau (JKKK) Rh Tawi Duri Bangat begulai enggau Revenue Scorp Sdn Bhd di rumah panjai Tawi,
“
Sukung mih iya enti sema Dr Rayong dipilih BN ngarika DUN Engkilili maya PRN tu ila ngambika kitai di sitak tu ulih ngasaika pemansang baka di tempat
” bukai. William Nyalau anak Badak Kaban Parlimen Lubok Antu
Lidong ditu, kemari.
“Sukung mih iya enti sema Dr Rayong dipilih BN ngarika DUN Engkilili maya PRN tu ila ngambika kitai di sitak tu ulih ngasaika pemansang baka di tempat bukai,” tandu iya.
Rh Tawi, Duri Bangat, Lidong berengkah bisi bekal lekterik kena 27 Ogos 2013 suba.
Maya atur pengawa nya Nyalau mega ngemendarka bantu Projek Mit Menua Pesisir (MRP) RM10,000 ungkup JKKK Rh Tawi sereta RM3,000 ungkup Biro Indu rumah panjai nya.
Berebak enggau nya, Nyallau ngelalau semua pengundi di sitak nya nyukung semua atur pemansang ti dipejalaika perintah ngambika sida tau ngubah pengelantang pengidup jemah ila.
Nitih ku iya, kenyau seduai Dr Rayong nyadi pengari rayat ba sitak nya, mayuh pemansang udah dipeda sereta ubah di kandang menua dia.
“Suba, jalai ditu semina bebatu tang diatu udah lichin ditar baka nya mega bisi bekal lekterik 24 jam enggau ai beresi, tu penyamai enti kitai bekerejasama enggau perintah” ku iya.
Bela bisi ngulu atur pengawa nya ditu, ADUN Engkilili Dr Johnnical Rayong, pemesai ari Revenue Scorp Sdn Bhd sereta ketuai raban bansa ngelingi Engkilili.