Seiku nembiak lelaki raya kena jamah laban disangka deka enchuri kerita

SIBU: Seiku nembiak lelaki raya bakal di pala enggau mua pengudah dijamah seraban orang tengah malam kemari.

Pekara tu nyadi urung pukul 12 tengah malam pengudah iya pansut ari sebengkah palan pemerindang di Jalai Tukang Besi ditu.

Nembiak lelaki ke beumur urung 20 taun tu ditusuika mabuk sebedau ke enda mukai-mukai ngereja ulah ke enda menuku.

Nitihka penerang iya (nembiak nya) malu sebuah kerita ke dipaking ba tisi jalai.

Seraban lelaki ke bisi meda ulah iya nya melabaka iya deka enchuri kerita.

Sida terus ngelawa nembiak nya lalu nyamah iya.

Berebak enggau nya, orang bukai ke bisi meda pekara nya terus madah ngagai Opis Penyaga Pengelikun Mensia Mayuh (JPAM) ngambika ngesah penusah nya.

Nembiak nya agi bedau ngeleda maya iya ditabanka ngagai Sepital Sibu.

Raban polis bisi datai ngelawa palan penusah bejalaika pansik.