Sentingka agi kaul kena ngulihka pemansang
Tanggungpengawa tuai raban bansa iya nya ngenyentingka kaul perintah enggau rayat, ku Rayong
ENGKILILI: Kaban Kunsil Nengeri (ADUN) Engkilili Dr Johnnical Rayong anak Ngipa ngelalau bala tuai raban bansa ngenyentingka agi kaul kerejasama enggau perintah ngambika mayuh agi program pemansang di nengeri tu ulih dipejalaika.
Iya madah, pemanah kaul entara kededua piak beguna amat berindik ari tuai raban bansa ulih nyadi ‘jematan’ ke nyambungka piak perintah enggau rayat.
“Kelimpah ari Komiti Pengintu Pengintu Pengelantang Pendiau enggau Pengelikun Genturung Pendiau (JKKK), tanggungpengawa tuai raban bansa mega beguna amat iya nya nyadi penyambung entara rayat enggau perintah.
“Perintah begunaka saup bala tuai raban bansa meri penerang ngagai semua sida semenua bekaul enggau polisi perintah. Kelimpah ari nya sida patut ngenyenangka ati orang rumah panjai ngambika terus nyukung perintah sereta
“
Perintah begunaka saup bala tuai raban bansa meri penerang ngagai semua sida semenua bekaul enggau polisi perintah. Kelimpah ari nya sida patut ngenyenangka ati orang rumah panjai ngambika terus nyukung perintah sereta ngujungka mayuh projek pemansang ulih
” dikemujur. Dr Johnnical Rayong anak Ngipa ADUN Engkilili
ngujungka mayuh projek pemansang ulih dikemujur,” ku iya.
Dr Rayong madah munyi nya rambau bejadi Program Ketuai Begulai Enggau Rayat di Rumah Buda, Merio Nanga, ditu, empai lama ke udah.
Kelimpah ari nya, ku iya bala tuai raban bansa patut bejalaika tanggungpengawa ke udah diberi ngagai sida enggau meruan sereta gawa bebendar dikena nentuka pemansang ba nengeri tu ulih terus disambung.
Nangkan nya, ku Dr Rayong, bala tuai raban bansa patut chakah agi ngelawa opisopis perintah dikena ngemuntangka pengawa sida.
“Nya alai, aku madah tuai raban bansa patut bejalaika tanggungpengawa sida sereta nyukung program ke digaga perintah ngambi pulaika penguntung sida dudi hari.
Nyerumba pengerami nya, Dr Rayong bisi nyuaka chek Projek Mit Pemansang Men- ua Pesisir (MRP) penyampau RM10,000.00 ngagai JKKK Rh Buda, Merio Nanga, RM3,000.00 ungkup Bori Indu sida. Ungkup JKKK Tupi Merio RM7000 eng- gau Biro Indu RM3000 lalu JKKK Rh Sibat, Jelukong RM10,000.00