Penyampau kes bebadi jalai raya di Sarawak niki
Kira 65 peratus ari kebuah kes bebadi jalai raya tu bepun ari pengilap penguna jalai raya empu
MIRI: Penyampau kes bebadi jalai raya di Sarawak dalam timpuh ari Januari nyentuk Mei taun tu niki iya nya 7,756 kes bebanding 7,312 kes ba timpuh ke sebaka taun seiti nyin kemari.
Menteri Muda Penyambung Datuk Lee Kim Shin madah, ari penyampau nya 163 kes diripot ngujungka pemati bebanding 155 kes pemati ba taun nyin kemari iya nya bisi niki lima peratus.
“Ari penyampau semua kes ke dirikod dalam timpuh ari Januari nyentuk Mei taun tu, Kuching ngerikod penyampau kes bebadi ke pemadu mayuh iya nya 1,873 kes ditangkam Miri (1,448), Sibu (1,002) enggau Bintulu (869).”
“Kira 65 peratus ari kebuah kes bebadi jalai raya tu bepun
“
Nya alai, aku ngelalau penguna patut liri nitihka undang-undang jalai raya
” sereta ngemeratka pengelikun.
ari pengilap penguna jalai raya empu.
“Nya alai, aku ngelalau penguna patut liri nitihka undang- undang jalai raya sereta ngemeratka pengelikun,” ku iya rambau bejadi Kimpin Pengelikun Jalai Raya Renggat Nengeri beserimbai enggau pengerami Hari Raya 2015 di Stesyen Minyak Shell, Permyjaya kemari.
Kimpin tu berambaika jaku ‘Sayauka Nyawa, Likun Pejalai Nuju Penyangkai, Nyambut Pengerami’ (Nyawa Dihargai, Selamat Ke Destinasi, Kemeriahan Dirasai) diatur Opis Pengelikun Jalai Raya (JKJR) Sarawak begulai enggau Kaunsil Pengelikun Jalai Raya Sarawak, JKJR Miri, opis Residen Miri, Polis Diraja Malaysia (PDRM), Opis Kereja Raya (JKR), Opis Kaunsil Mengeri Miri enggau Sarawak Shell Berhad.
“Penguna jalai raya patut ngembuan ulah seruran bejejimat maya deriba ba jalai raya kelimpah nemu pekara ke tau ngujungka penusah nyadi.
“Penguna jalai raya dilalau lebih bebasaka pangan diri laban maya musim pengerami endang mayuh kereban pengangkut ke nguna jalai raya deka mulaika diri ngagai menua diri empu,” ku iya.
Maya nya mega, Lee bisi nyadung topi kelida, surat penerang enggau barang ‘goodies’ ngagai bala penguna jalai raya.
Datuk Lee Kim Shin Menteri Muda Penyambung