Begempung, bekerejasama pelasar pemansang bansa
Pekara tu patut dititihka raban bansa Bumiputera dikena ngemansangka diri empu enggau menua
MIRI: Raban bansa Bumiputera di nengeri tu patut begempung sereta bekerejasama ngangkatka diri empu ngambika sebaka enggau bansa bukai.
Menteri Pengatur Pengeraja Asal enggau Rampa Menua Datuk Amar Awang Tengah Ali Hasan madah, pekara tu beguna amat laban kerejasama endang batang pekara ke nyadi pelasar alai ngangkatka diri empu ngambi enda majak tinggal di belakang.
“Begempung enggau bekerejasama endang nyadi pelasar pemansang sesebengkah bansa. Nya alai, aram mih kitai terus begempung dikena ngemansangka diri empu enggau menua,” ku iya.
Iya madah munyi nya rambau pengawa makai Pemung Keja’e Lepah Ajau 2015 diatur Gerempung Bansa Kenyah Sarawak ( PKKS) bepalan ba sebengkah hotel ditu, empai lama ke udah.
Sama bisi datai Menteri Muda Rengka Rama Datuk Sylvester Entrie Muran, Kaban Parlimen Baram Anyie Ngau, Kaban Kunsil Nengeri (ADUN) sitak Telang Usan Dennis Ngau; ADUN Lambir Ripin Lamat sereta chairman
“
Begempung enggau bekerejasama endang nyadi pelasar pemansang sesebengkah bansa. Nya alai, aram mih kitai terus begempung dikena ngemansangka diri empu enggau
” menua. Datuk Amar Awang Tengah Ali Hasan Menteri Pengatur Pengeraja Asal enggau Rampa Menua
program Kennedy Chuk Pai Ugon ke mega nyadi pemangku presiden PKKS.
Nangkan nya, Awang Tengah madah taja pan penyampau bansa Kenyah enda mayuh tang penatai bansa sida Sarawak chukup dikelala.
“Main asal bansa Kenyah chukup dikerinduka ba mayuh bengkah pengawa besai perintah laban main asal sida tu manat amat nyadi sebagi ari pesaka asal menua kitai.
“Pengerapit kaul ke manah entara semua ngujungka Sarawak nyadi nengeri cgunto ke pemadu manah sentang pengelantang suku bansa di menua tu,” ku iya madah nyemetak.
Nya alai, ku iya perintah seruran begunaka ayu be- gempung ngagai semua suku bansa dikena ngemujurka mayuh bengkah pemansang.
Kelimpah ari nya, ku iya bansa nya bela bisi mandangka penyulut enggau pengulih ba mayuh bengkah bidang nyengkaum ba politik. Tu nyengala dipeda nengah sekeda bansa Kenyah ke udah dipadu nyadi pengari rayat Datuk Jacob Sagan, Datuk Wan Ullok enggau Anyie Ngau.
Nya alai, iya ngarapka sida tu terus nyadi teladan ngagai raban rebak baru terus ransing agi ngemansangka diri awakka ulih nyereta pengawa ke besai di menua tu.
Ba pengerami nya, Awang Tengah bisi madah diri deka ngungkupka agih belanja RM50,000 ngagai PKKS.
Kelimpah ari nya, raban pengatur program bela bisi nerima geran RM30,000 ari pengari rayat bukai ke bisi datai iya nya Entri, Dennis enggau Ripin ke sama bela meri RM10,000 seiku.
Nitihka chairman program, tuju pengerami nya diatur dikena makai selamat enggau meri terima kasih ngagai Tuhan nyerumba tembu musim ngetau enggau ngepunka pengawa baru.