Kemayuh sereta kenegapka pengelandik diri: Harden
Ngambika raban graduate ulih napi sebarang peminta guna industri sereta pemar ti majak nambah
KUCHING: Raban graduate enggau insititusyen pelajar tinggi diperansang nyikap sereta ngenegapka agi pengelandik (graduate) dalam mayuh bengkah pekara nyengkaum ‘soft-skill’.
Menteri Muda Pemansang Menua Pesisir, Datuk Francis Harden Hollis madah, nya ngambika graduate ulih napi sebarang peminta guna industri lalu ukai semina bepanggai ba sebengkah pengelandik tauka penemu aja.
Ku iya, berindik ari pemayuh bala graduate ari institusyen pelajar tinggi ke ulih diambi gawa sereta pemayuh industri ti nguji deka nyendiaka graduate dikena napi peminta pemar ti majak nambah ba endur gawa dalam abad ke-21.
“Pasal isu raban graduate ti nadai pengawa, kitai mega
“
Opis Menteri Pelajar Tinggi Malaysia sereta Institusyen Pelajar Tinggi Perintah enggau Peribit mega udah besaup mantu perintah nengeri matau peminta enggau bekal pengereja pengawa ti diguna ba
” SCORE. Datuk Francis Harden Hollis Menteri Muda Pemansang Menua Pesisir
ulih ngajar sida pengelandik bedagang ngambika ulih gawa ke diri empu tauka muka dagang baru baka Dagang Mit enggau Jelan Pemesai (SME).
“Ari ke ngiga pengawa, raban graduate ulih ngangkatka diri nyadi pengaji sereta ulih nyendia tauka muka peluang gawa ngagai orang bukai,” ku iya.
Iya ti mega Menteri Muda Pengawa Berumah mansutka pekara tu lebuh bejadika ‘Colloquium on Graduates Employability of the Emerging Workforce in the 21st Century i-CATS’ 2015 ti diatur i-CATS ba Lecture Theatre 1, I-CATS ditu, kemari.
Mayuh orang irauka pasal pengelandik ti enda setipak enggau peminta guna kelebih agi pasal pengawa manah ti ulih dikereja raban graduate kitai, ku iya.
Kebuah raban graduate kitai ti enda ulih diambi gawa ketegal ti nadai ‘soft skill’, pekara ti dipelajarka nembiak enda sebaka enggau peminta guna industri, ubah dalam industri sereta pengawa institusyen pelajar empu.
Berindik ari, iya minta institusyen pelajar tinggi perintah enggau peribit sereta raban industri patut bekerejasama awakka isu graduate nadai pengawa tauka enda ulih diambi gawa mujur diputarka.
“Kerejasama entara industri enggau akademik mutarka sesebengkah isu baka raban graduate ti nadai kereja, patut dipuji. Aku andal meda mayuh pengelicha ari mayuh bengkah penatai, ti ngarika pengelandik seseiku.
“Aku ngarapka i- CATS ukai semina ngatur kolokium sekali aja setaun tang patut lebih ari nya, sereta patut ngatur randau enggau pekara bukai ti ulih diatur begulai entara industri enggau institusyen pelajar tinggi.
“Opis Menteri Pelajar Tinggi Malaysia sereta Institusyen Pelajar Tinggi Perintah enggau Peribit mega udah besaup mantu perintah nengeri matau peminta enggau bekal pengereja pengawa ti diguna ba SCORE,” ku iya.
Entara pengelicha ke bisi meri licha ba kolokium ti diatur sehari kemari iya nya, Grace Teo ari Jobstreet Malaysia, Moslem Anour (Moslem Anoar International), Kam Yap Seng (DreamCatcher), Azlim Hamzah (Hitachi Global Storage Technologies) enggau Imelda Harris (celebrity chef).
Tuju kolokium diatur endang dikena meri peluang ngagai raban graduate tauka nembiak pasal isu graduate napi peminta guna industri, ngambika graduate lebih besedia sereta bisi motivasi nyadi sebagi ari pengereja pengawa ti dinamik sereta sikar jemah ila.
Sama bisi ngulu pengerami nya kemari pemangku Ketuai Pemesai Eksekutif (CEO) iCATS, Mohamad Isham Mohd Fauzi enggau ke bukai.