Saup perintah ngemujurka perambu pemansang menua
Laban ketuai raban bansa mih ke nyadi pending enggau mata sereta jematan entara perintah enggau rayat, ku Len
SIBU: Ketuai raban bansa enggau tuai rumah dipinta ngubah runding sereta chakah bejalaika pengawa nyaup perintah nengeri tu bejadika program enggau pelin pemansang.
Menteri Muda ba Opis Kepala Menteri Datu Len Talif Salleh madah, perintah nengeri udah ngatur macham bengkah pemansang ti dikena nyungkak pengidup rayat, negutka kaul enggau ngintu pengelikun rayat.
“Nya alai, pemujur tu ukai muntang diulih enti nadai pengeransing nyaup ngintu pengelikun rayat ke dipegai.
“Kita ke nyadi ketuai raban bansa enggau tuai rumah anang enda sanggup mendingka penemu orang kelimpah ngembuan pengelandik nerangka pelin perintah ngagai rayat ke bukai,” pia
“
Kita ke nyadi ketuai raban bansa enggau tuai rumah anang enda sanggup mendingka penemu orang kelimpah ngembuan pengelandik nerangka pelin
” perintah ngagai rayat ke bukai.
ku iya madah.
Iya mantaika jaku tu maya bejadika ‘ Majlis Penangguhan Seminar Kepimpinan Akar Umbi Peringkat Negeri Sarawak 2015’ Bagi menua Sarikei ditu, kemari.
Pengawa tu bela digulu Direktor Unit Pentadbiran ba Opis Kepala Menteri, Michael Dawi Alli enggau Pemesai Opis Pelilih Mit Menua Pakan Alex Liau.
Iya ti mega Menteri Rampa Menua madah, tanggung- pengawa tuai raban bansa nyengkaum Chairman Komiti Pengelikun Genturung Pendiau (JKKK) beguna amat dikena nentuka pemujur ngaduka pemansang menua.
Ku iya, raban tu meseti landik ngaduka penyarut tauka penanggul rayat ke dipegai sida.
“Raban tu mega nyadi mata enggau pending perintah bejalaika tanggungpengawa ke diberi kelimpah nyadi jematan antara rayat enggau perintah.
“Berindik ari nya, sida tu meseti regas sereta bekempit enggau rayat bukai ngambika perintah tauka pengari rayat lantang ngaduka pemansang ba menua diri empu,” ku iya madahka baru.
Kaban Kunsil Nengeri (ADUN) Belawai tu mega madahka pemansang nengeri maya hari tu, bekaul rat enggau pengelikun penyerakup pupu raban bansa ti ngemujurka tikas penatai pemisi nengeri.
“Ari sukung ti kering sereta penyerakup ari genap pupu raban bansa, semua pelin pemansang nadai bepenanggul diatur lebih agi ba kandang menua pesisir.
“Ketegal nya, raban tu meseti mantaika penemu enggau runding ti ulih mai penguntung ngagai menua enggau rayat ditu empu,” pia ku iya madah.
Datu Len Talif Salleh Menteri Muda ba Opis Kepala Menteri