1,613 buah ruang bilik ti dituntung penusah ampuh bah nerima bantu ari perintah
KUCHING: Urung 1,613 ruang bilik ke dituntung penusah ampuh bah taun nyin tadi, nerima bantu ampuh bah RM500 ke sebuah ruang bilik ari perintah.
Presiden Parti Sa’ati Rayat Sarawak ( SUPP), Senator Datuk Profesor Dr. Sim Kui Hian madah bantu nya diberi Opis Bagi Menua Kuching.
“Tu mih ke penudi endar Opis Pelilih Kuching mutarka pekara tu laban tanggungpengawa tu ila deka diberi ngagai Opis Pertahanan Awam Malaysia (JPAM).
“Sida iya ukai semina nyelamat tang mantu mensia mayuh ke tasah ngenyit kami arapka kerejasama entara ejensi perintah tu dipajakka belama.
“Taja pia, kitai diatu benung betapi enggau musin kemarau ti enda kitai sadang nyadi...kitai ngarapka perintah nyaup ngemansangka infrastruktur dikena nagang ampuh bah nyadi laban gaya mua hari sereta sebun asap enda ulih ditagang kitai,” ku iya madah pengudah atur pengawa Nyuaka Batu Ampuh Bah Opis Pelilih Menua Kuching di Dewan Suarah, kemari.
Iya nandu baru, bantu nya dikearapka ulih ngelempungka agi tating pengidup penerima sereta sikena ngaduka perengka ke rusak di rumah sida maya ampuh bah bedau lama tu ke udah.
Bantu ke sebaka tu mega deka diberi ngagai mensia mayuh ke betapi enggau penusah ampuh bah ba sitak Padawan ti deka diatur ba Dewan Mensia Mayuh Siburan.
Entara raban ke nerima bantu nya datai ari Sekama Utara, Selangan Batu, Be- radek, Semilang, Tabuan Lot, Bintawa Hilir, Panglima Seman, Bintawa Tengah, Bintawa Ulu, Pasir Pandak, Sourabaya Hilir, Gersik, Kampung No.5 dan No.6, Parit Lama, Dagok Barat, Laruh Barat, Temedak Muhibah, Kampung Patinggan, Sungai Maong, Sungai Maong Tengah, Kudei Lama, Kudei Baru, Lada Pedas, nyengkaum Pinang Jawa, Gita Laut, Gita Lama, Gita Baru, Gita Tengah, Taman Mawar, tengah Sungai, Taman Malihah Fasa 1, Paroh, Sejijak, Sinjan, Tupong Tengah, Tupong Jaya, Rantau Panjang, Desa Ria, Setinggan Desa Ria, Palan Pengentap Berumah Baru Desa Wira, Kg Sinar Budi Baru, Sinar Budi Lama, Kg Segobang Batu Kawa, Kg Surih Batu Kawa, Batu Kawa, Batu Kitang Lama, Batu Kitang Jaya.