KGBS nyukung format baru subjek keretas BI UPSR
Nya sebengkah ari chara KPM ngangkatka pengelandik nembiak dalam subjek Bahasa Inggeris
KUCHING: Kesatuan Guru Bumiputera Sarawak ( KGBS) nyukung format baru Opis Menteri Pelajar Malaysia (KPM) ti deka magi subjek Bahasa Inggeris (BI) ngagai dua iti keretas, iya nya Keretas Pemahaman enggau Keretas Penulisan ba Ujian Pencapaian Sekolah Rendah (UPSR), berengkah taun 2016.
Presiden KGBS Ahmad Malie madah, nya dipelabaka sebengkah ari chara perintah tauka opis menteri ngangkatka agi pengelandik enggau penau nembiak dalam BI.
“Kami (KGBS) nyukung
“
Kami (KGBS) nyukung atur KPM ti deka magi subjek BI ngagai dua keretas iya nya Keretas Pemahaman enggau Keretas Penulis dalam peresa UPSR ti deka dipejalaika taun baru. Tu engka sebengkah ari chara KPM deka ngangkatka pengelandik nembiak sekula
” primari dalam BI.
atur KPM ti deka magi subjek BI ngagai dua keretas iya nya Keretas Pemahaman enggau Keretas Penulis dalam peresa UPSR ti deka dipejalaika taun baru. Tu engka sebengkah ari chara KPM deka ngangkatka pengelandik nembiak sekula primari dalam BI.
“Taja pia KGBS bisi pengirau ati, sekalika piak sekula kelebih agi nembiak udah tauka bedau besedia ngena format baru UPSR ti deka berengkah dipejalaika taun 2016,” ku iya lebuh ditanya bekaul enggau format baru UPSR ti dipelabaka berengkah dikena taun 2016.
Berindik ari pekara tu, Ahmad ngarika KGBS ngarapka piak sekula sereta nembiak ulih nyikap diri berengkah diatu dikena napi format baru UPSR nya.
“Laban KPM udah mantaika polisi baru tu, KGBS ngarapka piak sekula bebendar agi nyikap nembiak ngena penemu tauka pengelandik ngena format baru nya,” ku Ahmad.
Kena Hari Satu apin lama, Direktor Lembaga Peperiksaan Datin Nawal Salleh madahka keretas peresa Bahasa Inggeris (BI) Pemahaman enggau Penulisan Ujian Pencapaian Sekolah Rendah (UPSR) deka dibagi nyadi dua gred berengkah taun baru.
Iya madahka UPSR sebedau tu, ujian pemahaman enggau ujian penulisan subjek BI dipegulai nyadi seiti gred aja, lalu semina keretas Bahasa Melayu (BM) ti bisi dua gred.
Berindik ari pengawa magi pemahaman enggau penulisan BI berengkah taun 2016, dia chalun UPSR Sekolah Kebangsaan (SK) deka bisi enam gred dibanding enggau sebedau tu ke bisi lima gred aja, lalu Sekolah Jenis Kebangsaan (SJKC) Cina SJKC Tamil deka bisi lapan gred dibandingka sebedau tu tujuh gred.
“Atur pengawa magi gred pemahaman engau penulisan keretas BI senipak enggau juluk ngangkatka pengelandik Bahasa Inggeris raban nembiak,” ku iya dalam aum pengarang berita di Putrajaya bekaul enggau format baru peresa perintah UPSR 2016 Hari Satu apin lama.
Ahmad Malie Presiden KGBS