KPM enda lantang ati enggau berita bula ti dikerembaika nengah ‘ Whatsapp’

KUCHING: Opis Pelajar Malaysia ( KPM) nengah status laman Facebook rasmi iya kemari, enda lantang ati enggau ulah sekeda orang ti ngerembaika penerang berita ti bula bekaul enggau pengawa sekula tutup ketegal sebun asap.

Nitihka penerang berita ari status laman Facebook nya, penerang berita ke bula nya udah dikerembaika nengah aplikasyen ‘Whatsapp’.

Penerang berita bula nya madahka sekula ditutup ba beberapa buah nengeri nyengkaum Selangor, Wilayah Persekutuan Kuala Lumpur, Negeri Sembilan, Sarawak (Bagi Menua Kuching, Samarahan enggau Sri Aman) seharitu (1 Oktober) ketegal baca IPU ngerikod tikas IPU ti enda manahka pengerai (101-200) enggau ke chukup enda manahka pengerai (201300).

“Semua orang patut nentuka sida bulih penerang berita ti betul semina ari Portal Rasmi KPM ba www.moe.gov. my, FB KPM (https://www. facebook.com/KementerianPendidikanMalaysia) enggau Twitter KPM (https://twit- ter. com/ KemPendidikan) aja,” ku status KPM di laman Facebook iya, kemari.

Taja pia, nengah timbal mensia mayuh ba Facebook nya, tebal agi madahka diri enda lantang ati laban portal KPM enda ulih dikena tauka dipeda kenyau beberapa hari ke udah.

Seiku ari penguna ti nimbal,: “Tolong restart web service atau reboot server “http://www.moe.gov.my” Pegawai Sistem Maklumat - minta tolong jangan tidur dan main Facebook yang tak memberi manfaat sahaja.. harap maklum..sudah banyak hari access ke portal rasmi asyik tak dapat.”

Lalu penguna bukai mega bisi nulis: “Laman web rasmi KPM tidak dapat masuk”.

Kelimpah ari nya, bisi mega sekeda penguna minta KPM ngeripot pengerembai berita bula nya ngagai polis.

bisi sekeda penguna Facebook minta KPM mutarka pekara nya sereta ngemetulka laman web KPM ngambika ulih dikena nyema bisi pekara baru sereta beguna bekaul enggau sekula sekumbang sebun ke nyadi di menua tu.