Infrastruktur fizikal ba SCORE deka dimanah
Penyikap perengka guna nya beguna amat ngambika ulih matak raban pemeranak puku ari menua luar
KUCHING: Pemansang infrastruktur ba kandang endur ti kena bungkur SCORE deka dikemanah sereta ditegapka agi dalam timpuh lima taun ti deka datai, awakka ulih matak pemeranak puku ari menua luar ke SCORE.
Ketuai Pemesai Eksekutif (CEO) RECODA, Tan Sri Datuk Amar Wilson Baya Dandot madah, dalam timpuh lima taun ke sebedau tu perintah besai udah ngungkup belanja dikena ngemansangka infrastrukur baka jalai alun, bekal ai, bekal elektrik enggau kebukai.
Nya alai kenyau ari taun 2008 nyentuk ke seharitu perintah besai udah meri belanja sepenyampau RM2.5 billion dikena ngemansangka infrastruktur ba kandang SCORE, ku iya.
“Laban sebedau kitai matak pemeranak puku ngagai SCORE, kitai patut nyendiaka infrastruktur, kereban, utiliti ke chukup, lalu kitai udah mujur nyendiaka semua nya sereta ulih matak pemeranak puku baka ba Samalaju.
“Infrastruktur fizikal beguna amat dikena matak pemeranak puku lalu kitai enda tau enda nyendiaka perengka penyambung baka jalai alun enggau bukai. Infrastruktur sosial ti dikemeratka dalam SCORE iya nya pelajar, pengerai, pengawa beru-
“
Infrastruktur fizikal beguna amat dikena matak pemeranak puku lalu kitai enda tau enda nyendiaka perengka penyambung baka jalai alun enggau bukai. Infrastruktur sosial ti dikemeratka dalam SCORE iya nya pelajar, pengerai, pengawa berumah enggau perengka guna rekreasyen dikena nambahka penyampau peranak tauka tubuh mensia
” dalam koridor. Tan Sri Datuk Amar Wilson Baya Dandot Ketuai Pemesai Eksekutif RECODA
mah enggau perengka guna rekreasyen dikena nambahka penyampau peranak tauka tubuh mensia dalam koridor ,” ku iya.
Iya mansutka pekara nya lebuh meri ‘keynote’ ba atur pengawa runding mija bulat ti diatur entara Oxford Business Group (OBG) enggau Regional Corridor Development authority (RECODA) bekaul enggau peluang beranakka puku ba SCORE dalam timpuh lima taun ke deka datai ( 2015- 2020), ti diatur ba sebengkah hotel ditu, lemai kemari.
Bejaku baru, iya madahka perambu besai SCORE begunaka lima pemansang ti nyendiaka penumbuh pemansang ti bebida dikena matak pem- eranak puku dalam SCORE ba 10 bengkah industri dikemeratka.
Nitihku iya, 10 bengkah industri sereta peluang ti disedia sereta dikemeratka dalam SCORE iya nya industri aluminium, kacha, steel, industri bepelasarka minyak, sawit, berikan enggau akauakultur, aktiviti bepelasarka kayu ramu, injiring marine enggau industri dagang temuai.
Tetiap bengkah industri ku iya, dikemansangka dalam lima nob penumbuh besai SCORE iya nya Tanjung Manis, Mukah, Samalaju, Baram enggau Tunoh.
“Ambika chunto, Mukah nyadi Hub Pelajar ti deka disediaka UNIMAS R&D, Kolej Laila Taib, bisi UiTM Kampus Mukah kelimpah ari deka digagaka padang bilun ke baru sereta nyadi ‘Smart City’, semua nya ulih ngubah Mukah.
“Nambahka nya di Baram, manah amat endur ngemansangka industri eko-dagang temuai ngambika ulih nyadi ‘Sarawak’s hinterland’ ke ngembuan rampa menua ti nyelai sereta manah,” ku iya.
Keynote speaker bukai ti bisi dikanggau nyengkaum Managing Direktor OBG’s Asia, Paulius Kuncinas, CEO Sarawak Energy Berhad Datuk Torstein Dale Sjotveit, Head of Samalaju Development Division at CMS, Dato Issac Lugun enggau Group CEO Press Metal Bhd Datuk Paul Koon Poh Keong.