Transformasyen digaga ke pemaik nembiak: Jisin
Bala nembiak patut ulih nyerunyut ubah ti dipejalaika perintah nyengkaum format baru keretas BI
KUCHING: Raban nembiak patut ulih nyerunyut ubah tauka transformasyen ke dipejalaika perintah nyengkaum bekaul enggau format baru subjek Bahasa Inggeris (BI) dalam Ujian Pencapaian Sekolah Rendah (UPSR), ti deka dikena dalam taun 2016.
Presiden Serakup Pengajar Sarawak (STU) Jisin Nyud bepenemu, ubah tauka transformasyen ke dipejalaika perintah nya endang ke pemanah nembiak tauka rebak dudi.
“Nyema kitai deka ke trans-
“
Nyema kitai deka ke transformasyen, kitai enda tau enda ulih serunyut nitihka ubah nya. Enda ngira nama, enti nya mai penguntung tauka pemaik ngagai rebak dudi, kitai patut ulih meda sereta nerima
” pekara ti positif nya.
formasyen, kitai enda tau enda ulih serunyut nitihka ubah nya. Enda ngira nama, enti nya mai penguntung tauka pemaik ngagai rebak dudi, kitai patut ulih meda sereta nerima pekara ti positif nya.
“Format baru UPSR ba subjek BI, baka Bahasa Malaysia (BM) patut ulih ngemujurka agi bala nembiak belajar baik dalam Pemahaman tauka Penulisan.
“Kitai ngarapka nengah format baru tu, bala pengajar ulih diberi mayuh agi penemu ngambika sida besedia ngereja pengawa udah nya tang ukai ngenyit baka PT3 kitai diatu,” ku iya lebuh ditanya bekaul enggau format baru subjek BI UPSR ti deka dipejalaika taun 2016.
Ngenang pekara nya, iya madahka endang amat sekeda orang engka enda setuju enggau ubah nya laban sida madahka bala nembiak apin teleba enggau format nya.
“Taja pia, bala nembiak mayuh nulis kelebih agi ba sekula sekondari iya nya PT3 enggau Sijil Pelajaran Malaysia (SPM),” ku iya.
Ensanus bepelasarka berita portal, di Pelabuhan Klang, Opis Menteri Pelajar deka ngemajakka atur deka magi subjek BI ba UPSR ngagai dua keretas iya nya Pemahaman enggau Penulisan berengkah taun baru, taja pan bisi orang minta format nya ditangguhka dulu.
Ketuai Direktor Opis Pelajar, Datuk Seri Dr. Khair Mohamad Yusof madah opis iya udah ngerembaika pekara nya ngagai mensia mayuh kenyau ari taun 2010, iya nya bisi ubah ba format keretas peresa BI UPSR ba taun 2016.
“Kitai madahka pekara tu kenyau ari taun 2010, bisi ubah ba taun 2016 (ungkup format peresa BI),” ku iya ba sebengkah aum pengarang berita di Pelabuhan Klang, Hari Dua (29 September).
Dulu ari nya kena (Hari Satu, 28 September) di Putrajaya, Direktor Lembaga Peperiksaan, Datin Nawal Salleh madahka keretas peresa Bahasa Inggeris (BI) Pemahaman enggau Penulisan Ujian Pencapaian Sekolah Rendah (UPSR) deka dibagi nyadi dua gred iya nya keretas Pemahaman enggau Keretas Penulisan, berengkah taun 2016.
Jisin Nyud Presiden Serakup Pengajar Sarawak (STU)