Bagi Menua Serian belabuh merintah diri kemari
Enggau tu Serian deka chakah agi dikemansang sereta nyendia servis ke manah agi ngagai rayat
SERIAN: Pelilih baru Serian ke merintah diri berengkah ari kemari deka chakah dikemansang dalam timpuh 5 taun ti deka datai.
Menteri Pemansang Perengka Guna enggau Penyambung Dato Sri Michael Manyin nyadang belanja RM100 juta deka diguna ba pengawa nyendia perengka guna enggau ngaga begunan perintah baru dalam timpuh nya.
“Dalam timpuh 3 ngagai 4 taun tu mayuh pemansang udah ditusun dalam Pelilih baru Serian. Kitai deka ngaga begunan ungkup Opis Tanah enggau Penyukat (JTS), Opis Kereja Raya ( JKR), Opis Betanam Betupi (JPS) sereta ejensi perintah bukai.
“Tu mih pemaik ke deka diasai peranak Serian pengudah pelilih mit tu diangkat nyadi Pelilih Menua ke-12 di Sarawak lalu kitai nyadang RM100 juta diguna ba atur ngepunka program pemansang ditu
“Pelilih baru tu ungkup semua bansa baikka nya Melayu, China, Bidayuh, Iban, Orang Ulu sereta sapa aja ke nguan menua tu,” ku iya.
Manyin mansutka jaku tu ba Pengerami ‘Majlis Peny-
“
Dalam timpuh 3 ngagai 4 taun tu mayuh pemansang udah ditusun dalam Pelilih baru Serian. Kitai deka ngaga begunan ungkup Opis Tanah enggau Penyukat (JTS), Opis Kereja Raya (JKR), Opis Betanam Betupi (JPS) sereta ejensi
” perintah bukai. Dato Sri Michael Manyin Menteri Pemansang Perengka Guna enggau Penyambung
erahan Pentadbiran Baru’ Bagi Menua Serian ke diatur ba Balai Mensia Mayuh Serian ditu, kemari.
Iya mega madahka projek nangkir pasar Serian ba tanah pemesai 168 ekar deka mega dipejalai dalam timpuh nya.
Ngenang sentang Serian ti udah digazet nyadi Pelilih menua kena 1 Ogos 2015 tu tadi, Manyin ke mega ADUN Tebedu madahka pengawa nya ukai dijapai dalam timpuh 2-3 hari, bulan tauka taun.
“Tusun pengawa dipejalai enggau tuju ngangkatka Serian nyadi pelilih menua udah diadu kenyau 5 taun ke udah.
“Semua pengawa udah mujur dikereja lalu sehari tu Serian ditetap diangkat nyadi Pelilih baru ke alai Residen ti keterubah udah dipadu,”ku iya.
Manyin pechaya sistem servis ke diberi perintah ngagai rayat deka dipejalai enggau engkeman agi pengudah Serian nyadi pelilih menua ke baru.
Pelilih Serian nyerangkum pelilih mit Serian, Tebedu enggau Siburan lalu ngembuan urung 154,790 iku orang.
Dahim Nyadot ,58, seiku peranak ari genturung pendiau Krokong, Bau dipadu nyadi Residen Serian ti keterubah.
Ba pengawa nya kemari, Residen Samarahan Abdul Rahman Sebli enggau Residen Kuching Shukarmin Chasemon nyuaka tanggungpengawa ngagai Dahim ke alai sekeda kandang menua ke dipegai Pelilih Serian diatu kala dipegai Pelilih Samarahan enggau Kuching dulu agi ari tu.
Bela datai Sekretari Perintah Nengeri, Tan Sri Datuk Amar Mohd Morshidi Abdul Ghani, Menteri Pengatur Pengereja Pengawa ke mega MP Serian Dato Sri Richard Riot, Sapit Speaker DUN Datuk Roland Sagah, Menteri Muda Pengerai Mensia Mayuh Datuk Jerip Susil, Menteri Muda ba Opis Kepala Menteri Datuk Mohd Naroden Majais enggau orang bukai.