DAP, Amanah sereta PKR dipelaba seati numbuhka Pakatan Harapan Sarawak

KUCHING: Parti Tindakan Demokratik (DAP) begulai enggau Parti Amanah Negara (Amanah) sereta Parti Keadilan Rakyat (PKR) dipelaba deka sama seati numbuhka Pakatan Harapan Sarawak.

Chairman DAP Nengeri Chong Chieng Jien madah, nengah gempung penyakal tu ila beratika nadai awak ungkup PAS sebilik enggau sida iya.

Chong dalam aum media nya kemari, begulai enggau ChairmanAmanahNengeriMohamad FidzuanZaidimadahkakededua partinyangelalukagempungPakatan Harapan Sarawak (PHS), lalu deka bejuraika pekara tu enggau PKR Nengeri.

Ba aum media nya kemari, bala ketuai pemesai PKR nadai datai ba aum media nya.

Bekait enggau pekara tu, Chong madahka PKR Sarawak bisi kala madahka sida bisi perambu bela seati deka be gempung lalu nambah: “PKR deka enggau sama ngempung Pakatan Harapan. Sida iya udah madahka penemu sida iya.”

Taja pia, Chong madahka iya enda nemu ni maya semua tiga parti tu - DAP, Amanah enggau PKR ulih baum begulai bejuraika pasal gempung tu.

“Naka tu, PAS ukai parti ke sama dalam gempung tu. Nyamai agi kami madahka penemu kami, tang manah agi enti semua penyakal ulih begempung ba baruh seiti perabung.

“Bisi pemerat begempung sereta ulih gawa nengah gem- pung ke deka bejaku nengah seiti jalai. PAS udah mandangka sida iya parti ke enda ulih dikearap.

Chong, ti mega nyadi Kaban Parlimen Bandar Kuching sereta ADUN Kota Sentosa, madahka PHM (Pakatan Harapan Malaysia) diatu benung ngaga langgur kepenudi, lalu enti tu udah digaga, gempung penyakal baru menua deka berengkah dipejalaika.

“Langgur besai keretas kereja nya bedau tembu, tang lebih kurang enggau ke udah.”

Taja pia, iya madahka bisi pemerat ke deka dipejuraika enggau silik agi, alai ku iya: “Bisi sekeda pekara nyagka ulih disetuju kami tauka enda. Tang bepanggai sentang baka ni pekara nya ulih dipejuraika ila.”

Lebuh ditanya ni naka pemerat iya (Chong) pasal ngempung PHS tu, ku iya: “Nadai utai ke meruan dalam pengidup kitai, lalu baka nya mega nadai utai ke meruan dalam politik. Tang aku beratika bisi peluang ke besai dalam PHS tu deka nyadi.”

“PHS enda tau enda meri pengarap ngagai orang Sarawak ke deka diarika kami jemah ila. Gempung bepalanka prinsip manah sereta beresi.”

Sama bisi ngulu aum media nya kemari, Sekretari Pengatur DAP ti mega nyadi ADUN Pending Violet Yong enggau ADUN Batu Kawa Christina Chiew.