Anang nangi nyukung Teras, ku Mawan
Perintah pechayaka Teras laban sida ada ari rumpun BN kelimpah dikelala siruka rayat
KUCHING: Presiden Parti Tenaga Rakyat Sarawak (Teras) Tan Sri William Mawan Ikom madahka parti nya ke bendar iya nyadi serakup Barisan Nasional (BN) laban iya ada ari dalam rumpun BN.
Ba Teras pasal pekara diterima raban serakup BN ke bukai nya semina penangul ba maya aja, nitihka atur enggau teknikal, pia ku Mawan ke mega nyadi Menteri Pemansang Rama.
Kaban Kunsil Nengeri ( ADUN) Pakan tu mega madahka, “Enti sema kami tu ukai BN nama kebuah raban ketuai parti dikemendarka raban ketuai komiti besai bejaku pasal BN, bekenaka perengka guna BN enggau ngagihka geran Projek Pemansang Mit Menua Pesisir (MRP) sereta ngemendarka projek pemansang BN sebaka enggau pengawa pengari BN ke bukai?”
“Teras tu parti BN laban pengada iya ari dalam BN empu. Diatu semina penanggul ba maya, atur enggau teknikal ngagai kaban serakup parti BN ke bukai nerima Teras,” ku iya nambah.
Pia mega, mayuh udah raban Teras dichirika nyadi ketuai komuniti, kaunsilor
“
Teras tu parti BN laban pengada iya ari dalam BN empu. Diatu semina penanggul ba maya, atur enggau teknikal ngagai kaban serakup parti BN ke bukai nerima
” Teras. Tan Sri William Mawan Ikom Presiden Teras
enggau Kaban Kaunsil Bekaul enggau Perintah (GLC) apin lama ke udah, ku iya.
Ba renggat komiti besai BN Nasional, Chairman iya Datuk Seri Najib Tun Razak sereta Chairman BN Nengeri, Datuk Patinggi Tan Sri Adenan Satem udah ngenukuka Teras tu kaling BN nengah formula BN-Plus maya bulan Jun tu tadi, ku iya.
Mawan mega nangkan rayat pasal sekeda ketuai nengeri tu udah dipadahka ba mua bala mayuh ari jaku Chairman BN Nengeri ke alai sida nyangka deka dipaduka baru bediri ngetanka penuduk sida rambau Pengawa Bepilih Nengeri (PRN) tu ila.
Mawan mantaika jaku tu rambau ngelaluka penatai kaban Komiti Besai Teras Lubok Antu rambau pengawa makai lemai ditu, apin lama ke udah.
Bela bisi datai iya nya Ketuai Nembiak Parti Bersatu Rakyat (UPP) sereta Mandal Presiden, Dr Johnical Rayong Ngipa ke mega ADUN Engkilili.
Pia mega, nyempulang penatai kaban komiti nya Ketuai Pampang Lubok Antu, Jimbat Bang, Sapit iya, Kunsilor Ijau Buja, Sirai Malong (Sekretari), Jerry Indit (Tukang Wang), Liang Barau (Mandal Sekretari) sereta Ugap Mantai (Mandal Tukang Wang) sereta kaban ke bukai, Minggang Ajit, Abong Gelau, Badi Ijau, Nicholas Jagan, Kilau Danau, Joseph Injak enggau Empin Betau.
Jimbat madahka Teras sigi ukai parti penyakal. Iya mega minta peranak Lubok Antu terus nyukung Teras lalu anang nangi ke pekara nya.
Raban Ketuai Teras dikelala siruka rayat lalu nya kebuah perintah agi pechaya ke sida lebih ari orang bukai, ku iya.