Sukung mih genap pemansang dibai perintah: Masir
Pemansang tusah dijapai nyema nadai sukung ari rayat, kelimpah ngerugika semua nyema projek nya tejanggal
SRI AMAN: Sapit Menteri Dalam Menua, Masir Kujat madah seriris enggau pemansang ke dipejalaika di menua diatu perintah endang seruran mai pemansang ungkup pengelantang rayat pupu bansa di nengeri tu kelebih agi di kandang menua pesisir.
Kenu ku iya, pengawa nya ulih dipeda nengah mayuh bengkah program pemansang ke udah enggau benung dipejalaika perintah di nengeri tu ungkup pengelantang rayat.
Kaban Parlimen Sri Aman madah munyi nya rambau Pengerami Ketuai Begulai enggau Rayat di Rumah Elly, Kampung Sungai Rawa, Simpang Punda semak Simunjan kemari.
Taja pia, ku iya pengawa pemansang tentu tusah deka dijapai nyema rayat nadai meri sukung ngagai perintah. Pekara tu tentu deka ngerugika semua laban enti nyema projek ke udah dilanggur di nengeri tu tejanggal.
Berindik ari nya, ku iya rayat enda ulih semina bek-
“
Pengawa nya ulih dipeda nengah mayuh bengkah program pemansang ke udah enggau benung dipejalaika perintah di nengeri tu ungkup pengelantang
” rayat. Masir Anak Kujat Sapit Menteri Dalam Menua
erendut dada ngarapka bantu enggau sabsidi ari perintah aja. Nya alai, kitai patut ransing gawa ke diri empu, ngiga chara dikena ngerebut peluang ke bisi disedia ba sektor industri, dagang, teknologi pemadah enggau penyambung, pelajar, dagang temuai enggau ke bukai.
Ngenang sentang nya, kitai patut mereti sereta nerima ubah bekaul enggau buah penemu ke baru nengah chara ngubah runding sereta nguji gawa ke diri empu.
Tu berindik ari diatu kitai patut nyikap diri enggau mayuh pengelandik dikena nyapai juluk nyapai status menua maju ba taun 2020 ila.
Masir mega madahka, ba jeman pangka teknologi pemadah enggau penyambung pengawa ngemanahka ‘Komunikesyen Pemansang’ endang beguna amat dikena nempa rayat ke bepenemu tauka K-Society.
“Nya alai, kuasa berunding rayat patut dikemerat dikena napi pemar ekonomi-rama kemaya hari. Ngengah chara tu, kitai ulih ngiri penemu, meransang rayat ngambi rinduka belajar sereta ngujika penemu baru dikena ngubah pengidup diri.
“Pengawa nabur penerang tu endang nyadi batang agenda perintah ke dipejalaika nengah ejensi pemansang iya.
“Taja pia, pemujur penerang ke ditabur datai ba rayat beguna saup semua piak nyengkaum bala ketuai raban bansa, piak peribit, media, raban volunteer enggau gerempung ukai perintah (NGO),” ku tandu iya.
Berebak enggau nya, ku iya Komiti Pemansang enggau Pengelikun Genturung Pendiau endang beguna amat nyaup ngemujurka pemansang ba renggat tumpuk pendiau.
“Ny alai, JKKK patut bejalaika pengawa nabur penerang pasal pemansang ngagai mensia mayuh. Tu beguna awakka mensia mayuh nemu kuing tuju pemansang ke dibai perintah,” ku tandu iya.
Sama bisi datai Pemesai Khas iya, Edmund Pirang sereta bala ketuai opis perintah ke bukai.