Menua tu agi kurang pengereja landik, ku Riot
Enti dibanding enggau Singapore menua kitai agi jauh tinggal ba sukut ngelatih pengereja pengawa
“
Nya alai, aku ngelalau bala graduan, ngambika kitai ngerebut peluang ke bisi disediaka, kelimpah nambahka pengelandik diri dikena nangkup
” pengawa nya.
KUCHING: Nitihka statistik ti dibantaika Unit Perambu Ekonomi (UPE), dalam Langgur Malaysia Lumpar Ke-11 (RMK 11), menua kitai agi jauh tinggal dalam sukut ngelatih pengereja pengawa ke bepengelandik, enti dibanding enggau Singapore iya nya semina ngasilka 28 peratus aja dalam taun tu.
Taja pia, menua tu ke deka nyapai urung 35 peratus manggai taun 2020 nitihka peratika penyampau ke umbas iya taja pan jauh tinggal ari Singapore.
Ba bida pemayuh pengereja pengawa ke jauh tinggal ari Singapore, Menteri Penguasa Pengereja Pengawa Dato Sri Richard Riot Anak Jaem madahka Malaysia melabaka pemayuh nya enggau chara realistik.
“Kitai patut nemu laban enti kitai melabaka urung 50 peratus sigi ditemu enda ulih, tang pemayuh 35 peratus nya pemayuh ke umbas iya ke dijangka ulih dijapai kitai,” ku Riot.
Iya madah munyi nya ba jaku iya lebuh ngepunka atur pengawa ‘Majlis Konvokesyen Institusi Latihan Jabatan Tenaga Manusia Kemente-
Dato Sri Richard Riot Anak Jaem Menteri Penguasa Pengereja Pengawa
rian Sumber Manusia Kali ke-11 2015 (ILJTM) Wilayah Timur Zon Sarawak’ di Palan Konvensyen Borneo Kuching (BCCK) ditu, kemari.
Iya nandu baru, madahka manggai taun 2030, dipelabaka penumbuh KDNK (Asil Dalam Menua) Sarawak deka nambah lima kali lipat ngagai RM118 billion lalu dipelabaka penambah per kapita pemisi urung RM97,400.00.
“Atur inisiatif SCORE mega deka nyendiaka urung 1.6 juta pengawa puang di Sarawak kelebih agi dalam tiga pemerat iya nya ngaga rumah, ngaga barang sereta pengawa betanam betupi.
“Nya alai, aku ngelalau bala graduan, ngambika kitai ngerebut peluang ke bisi disediaka, kelimpah nambahka penge- landik diri dikena nangkup pengawa nya,” ku iya.
Kelimpah ari nya, iya meransang bala graduet nambahka penemu diri bejaku English ngambika ulih bejaku manah maya gawa.
“Opis Menteri mega deka chakah nyediaka peluang pengawa ungkup peranak Sarawak.
Pun bulan September tu tadi, Kepala Menteri bisi muka ADTEC Bintulu (Institut Latihan Jabatan Tenaga Manusia) ke baru di Sarawak,” ku iya seraya madahka bisi tiga buah palan latih nya di Sarawak.
ADTEC mega diperambu deka dibuka di Serian, ku Riot seraya madahka pekara nya deka diputar enda lama agi.
“Pagila ( seharitu) aku deka betemu enggau Kepala Menteri Datuk Patinggi Tan Sri Adenan Satem bekait enggau perambu nya.
“Taba ngaga institut nya udah bisi, lalu aku deka berunding enggau Kepala Menteri pasal pekara tu,” ku iya.
Kelimpah ari nya, pemerat masuk ngagai ILP mega bisi digaga lunggar mimit ngambika mayuh agi nembiak bepeluang ngaga pengawa latih pengelandik dia.
“Aku ngarapka bala graduet sereta apai indai ulih sama mantu ngelakuka bidang pengelandik di palan tu,” ku iya.
Ba pengawa konvokesyen nya, urung 471 iku nembiak mujur nerima setipikit sida nyengkaum 419 (setipikit) enggau 52 (diploma).
Sebedau nya, Kepala Direktor JTM Chin Phaik Yoong ngelalau bala graduet pengudah sida iya nerima diploma sereta setipikit diri, singkang bala graduan pan berengkah ngiga pengawa.
“Aku ngelalau bala graduan ngembuan runding ke tebuka, ngiga peluang dikena ngemansangka diri empu ngagai renggat ke tinggi agi.
“Pandangka ngagai komuniti kita graduan ILJTM ngembuan pengelandik ke besai, bekualiti sereta besemekih,” ku Chin.
Kenyau ari taun 1964 datai kediatu, ILJTM udah mujur ngelatih urung 182,215 graduan bepengelandik (baruh program TVET – Technical Vocational Education and Training) ke nyadi pengereja pengawa pengelandik industri.
Sama bisi datai Sapit Ketuai Sekretari (Atur enggau Entarabansa) Opis Menteri ( Sumber Manusia) Dato Mohd Sahar Darusman.