Nadai kebuah SADIA Kuching deka ngelaban perintah
Jaku petenah nuju gerempung tu enda amat laban sida ditu majoriti raban ke gawa perintah, ketuai raban bansa
KUCHING: Chairman Gerempung Dayak Iban Sarawak (SADIA) Pampang Kuching, Datuk Dr Anthony Nait ngenggaika jaku tuduh ke ngumbai gerempung ke dipegai iya nya ngelaban perintah ke diatu.
Seraya madah jaku munyi nya enda amat, Dr Anthony nyemetak madah SADIA Pampang Kuching enda kala melakangka perintah ke diiring Barisan Nasional (BN).
Kenu ku iya, majoriti bala kaban komiti SADIA Pampang Kuching datai ari raban sida ke gawa ba opis perintah nyengkaum bala ketuai raban bansa.
“Pekara tu enda amat lalu aku ke nyadi ketuai SADIA Pampang Kuching berasai ensiban ninga jaku selebubu ngapa ke dituju ngagai
“
Pekara tu enda amat lalu aku ke nyadi ketuai SADIA Pampang Kuching berasai ensiban ninga jaku selebubu ngapa ke
” dituju ngagai kami. Datuk Dr Anthony Nait Chairman SADIA Pampang Kuching
kami.
“Nadai kebuah kami deka ngelaban perintah lalu aku ngarapka sida ke sengapa nyebut petenah tu ngampun baru jaku nya,” ku iya rambau pengerami nyambut penatai raban SADIA Limbang ke Kuching, ensana.
Penatai raban nya diuluka Chairman SADIA Limbang, Jerry Saraie begulai enggau urung 20 iku orang nyengkaum Pemancha Willy Marum, pengulu, kaunselor, tuai rumah ke endang bala kaban gerempung.
Berebak enggau nya, Jerry madah tuju penatai sida ke Kuching dikena ngedut kaul enggau raban SADIA ditu.
Meda pemanah basa nyambut penatai sida, dia Jerru bisi ngelaluka raban SADIA Kuching ngatur penemuai malas duruk ke Limbang.
Jaku nya nerima timbal ke chukup manah ari Dr Anthony lalu iya merambu deka mai raban sida malas duruk nemuai ke Limbang dalam taun tu.