Malaysia patut neladan Singapore nyaga pemeresi
Pemujur kimpin ‘Hijau Dan Bersih’ ngujungka Singapore dikelala ba renggat dunya ketegal pemeresi
SIBU: Menua tu patut bechuntoka Singapore ba pengawa ngintu pemeresi kandang menua, pia ku Menteri Kaunsil Kandang Menua enggau Pemansang Raban Bansa, Dato Sri Wong Soon Koh.
Ku iya, ba taun 1970 suba, Singapore bisi numbuhka Kimpin ‘Hijau Dan Bersih’ alai kimpin nya mujur bendar diatur nyentuk ke menua nya dikelala renggat dunya ketegal pemeresi.
“Tanggungpengawa ngintu pemeresi endang dipangku semua kitai. Nya alai, kitai patut bechuntoka rayat menua Singapore ti bebendar ngintu pemeresi kandang pendiau,” pia iya madah.
Iya mantaika jaku tu maya ‘Mass Cleaning Campaign’ ke diatur ba Gu Tian Garden ditu, kemari.
Kimpin tu diatur begulai Parti Rakyat Bersatu (UPP) pampang Dudong enggau Opis Kaunsil Sibu (SMC).
Bela bisi datai maya tu iya nya Chairman SMC Datuk Tiong Thai King enggau Ketuai Raban Indu UPP Pampang Dudong ti mega
“
Tanggungpengawa ngintu pemeresi endang dipangku semua kitai. Nya alai, kitai patut bechuntoka rayat menua Singapore ti bebendar ngintu pemeresi
” kandang pendiau. Dato Sri Wong Soon Koh Menteri Kaunsil Kandang Menua enggau Pemansang Raban Bansa
chairperson komiti pengatur Kapitan Connie Loh sereta bala bukai.
Berebak enggau pengawa tu Wong ti mega Menteri Wang II nesau rayat lebih agi raban China meri sukung ti tegut ngagai pegai Kepala Menteri Datuk Patinggi Tan Sri Adenan Satem.
Ku iya, Adenan udah ngaga mayuh bengkah ubah enggau pemutus ungkup pemanah enggau penguntung rayat nengeri tu.
“Aku suah nesau rayat mayuh ngambika nyukung pegai Adenan enggau juluk ati iya taun tu,” pia ku iya ti mega Kaban Kunsil Nengeri (ADUN) Bawang Assan.
Bekenangka baju dikena maya ngatur kimpin nya, ku Wong, SMC ti betuaika Tiong enggau komiti bukai ngaga baju ti bechura ‘Ohh Haa’ ngelai sida beterima kasih ngagai ubah enggau pegai Adenan ngelama tu.
“Kitai bela nemu Adenan suah mungkal jaku iya ba mua bala mayuh ngena jaku tu.
“Nya alai, ba aku tu seiti ari chara dikena kitai ngelai berasai temegah ati dipegai seiku Kepala Menteri ti udah mayuh bendar mai ubah ngagai rayat baka Adenan,” ku iya madah baru.
Ba pengawa sehari nya, lebih 1,000 iku ari 11 bengkah kontijen datai ngemujur kimpin.
Connie ba jaku pengelalu iya ngarapka kimpin ti ngena rambai jaku ‘ Rubbish, I Bring Home’ nya ulih ngembing mensia mayuh di Sibu ngemeratka pemeresi.
Ku iya, ari pemeresi pe- nusah bukai baka penyakit denggi bela ulih dikurang- ka.
“Ari kandang menua ti be- resi pengidup kitai lebih agi meruan,” pia ku iya madah.