SPDP enda nguna chalun lama di Marudi
Mayuh sebana udah didinga ari mensia mayuh sentang pengari rayat sida ke diatu
BAKONG: Parti Demokratik Progresif Sarawak (SPDP) nyemetak madahka penemu diri sigi enda nguna chalun lama ungkup sitak Marudi ba Pengawa Bepilih Besai Nengeri ( PRN) Sarawak ke deka datai, tang deka ngirai chalun baru ke ulih dikearap.
Presiden iya, Datuk Seri Datuk Tiong King Sing madah, iya ninga mayuh amat sebana ari rayat Marudi ti keran deka meda politik enggau pemansang.
“Aku ninga mayuh sebana ari mensia mayuh kelebih agi raban tuai rumah. Rayat udah ngelala amat sentang pengari rayat sida ke diatu.
“Enti udah datai maya iya endur patut nyurutka diri, surut mih anang nganti sampai umur tuai. Sebana rayat udah didinga, enda ibuh nganti rayat muai kitai tauka nganti parti nya dikena baru laban pekara nya tetap enda nyadi,”ku iya madah rambau Program Ketuai Begulai Enggau Rayat diatur SPDP Marudi di rumah panjai Blok C, Sungai Entulang, Bakong
“
Enti udah datai maya iya endur patut nyurutka diri, surut mih anang nganti sampai umur tuai. Sebana rayat udah didinga, enda ibuh nganti rayat muai kitai tauka nganti parti nya dikena baru laban
” pekara nya tetap enda nyadi. Datuk Seri Datuk Tiong King Sing Presiden SPDP
ensana.
Tiong udah nya bisi nangkan kaban parti ngambika terus bejalaika pengawa ngabas sereta ngasaika penusah ke ditapi rayat kelebih agi di menua ulu.
“Pengari SPDP enda tau enda diri empu nurun lalu meda penusah ke ditapi rayat ari tumu pagi, ukai maya nyau deka ambis pengawa bepilih besai. Chunto iya, laban ke nyadi pengari rayat anang nganti sampai penggal keempat baru deka ngabas rayat.”
“Kitai patut bepun tumu, anang meri penanggul ngagai rayat tauka mechahka peny- erakup sida, nya ukai juluk SPDP,” ku tandu iya.
Tiong madah, iya enggai meda rayat di Marudi ditating penanggul ke diati ungkup lima taun ke deka datai.
Ngenang pasal projek pemansang ari sekeda rumah panjai di sitak Marudi, Tiong meri jami deka ngenataika pekara nya ngagai Menteri Besai Datuk Seri Najib Tun Razak ngambika diberi belanja tambah.
Tiong mega bisi madah deka minta agih belanja tambah RM150,000 ari Perintah Besai ungkup projek pemansang rumah panjai di Blok C, Sungai Entulang.
Nangkan nya, urung 3,000 iku peranak ari Bakong, Marudi, Tinjar, Teru Peking enggau Sungai Arang datai ngulu program nya.
Berebak enggau nya, Ket- uai Nembiak SPDP Robert Ayu bisi nyuaka 208 iti pom ngerejista nyadi kaban baru SPDP ngagai Sekretari Jeneral SPDP ke mega nyadi KabanParlimen Mas Gading Anthony Nogeh Gumbek
Sama datai Ketuai Indu SPDP Datuk Chew Yen Chiew, Chairman SPDP Telang Usan Wan Lah, chalun SPDP Marudi Datu Dr. Penguang Manggil enggau pengari ari PBB, SUPP sereta PRS.