Nicholas: Politik kemaya hari tu udah jauh berubah

Baka nya mega orang ke bisi duit, sida ke dipelanja deka mansutka diri maya PRN nyau semak

SIBU: Chalun ke bisi duit ketegal dibelanja orang bukai bediri maya Pengawa Bepilih Nengeri ti Ke-11 (PRN11) tu ila enda patut disukung bala pengundi ba Kunsil Nengeri ( DUN) Pakan.

Ex-Kaban Parlimen (MP) maya taun 80-an suba, Dr Nicholas Munung madah, gaya politik diatu udah berubah enda baka suba.

Diatu ku iya, bisi chalun nya deka bediri ketegal ke bisi duit laban ke dipelanja piak bukai.

“Nyau semak pengawa bepilih orang baka tu baru mansutka diri.

“Ba penemu aku, politik baka tu semina ngira pen-

“

Ba penemu aku, politik baka tu semina ngira penguntung diri empu tang tau ngasuh rayat enda pechaya ngagai

” parti ke dipilih sida.

guntung diri empu tang tau ngasuh rayat enda pechaya ngagai parti ke dipilih sida,” ku iya.

Iya mantaika jaku tu maya nyempulang Tedong Gunda ti bisi ati ngarika Parti Demokratik Progresif Sarawak ( SPDP) nemuai ngagai sebuah rumah panjai di Pakan, kilah ensana.

Ku Nicholas, pengundi di Pakan anang kiruhka poli- tik baka nya laban semina tau mai pengerugi ba diri empu.

Ukai semina nya aja, iya madah, ulah baka nya mega tau nekul awak ngagai orang bukai ti endang bisi pengelebih tauka penau nyadi pengari rayat.

Berebak enggau nya, Nicholas madahka diri pechaya keTedong ulih nyadi seiku pengari rayat ke manah ba penuduk nya nyema dichalun sereta menang maya PRN11 tu ila.

“Iya ukai semina agi biak tang mega ngembuan pengelebih bukai nyengkaum bepenemu ba pengawa ngubah pengidup rayat di Pakan ditu,” ku iya nandu.

Tedong maya ke berandau enggau pengarang berita madah, iya diatu benung ngenegapka diri napi pengawa bepilih ila.

“Aku enggau bala penyukung aku udah besedia tang agi deka ngenegapka diri.

“Kengka hari ke bedau tu (sebedau PRN) kami enggau naka ulih nyeleti nama bagi pengurang ke bisi dikembuan ngambika enda nekul penyampau undi ila,” pia ku iya madah.

Dr Nicholas Munung Ex MP