Berunding panjai sebedau nyual tanah, ku Ting
Bala Iban dilalau anang berumban nyual tanah taja betapi enggau ungkus pengidup ke majak tinggi
BINTANGOR: Raban bansa Iban dilalau ngambika enda berumban nyual tanah sida taja betapi pemar pengidup ke majak tinggi.
Kaban Kunsil Nengeri ( ADUN) Meradong Ting Tze Fui madah, diatu orang ke bebelika tanah bela majak mayuh ti ngujungka sekeda orang Iban enda berunding panjai lalu nyual tanah sida.
“Kitai bela nemu, belanja pengidup diatu nyau majak tinggi nyengkaum ungkus anak sekula tauka ungkup pengawa besehari-sari kebukai.
“Ketegal pangka nya, bisi sekeda nyau bejualka tanah taja pan nemu duit nya semina ulih dikena enda lama aja tang tanah sida mengkang enda ulih diambi pulai agi,” pia ku iya madah maya nemuai ngagai sebengkah rumah panjai di Bintangor ditu, empai
“
Ketegal pangka nya, bisi sekeda nyau bejualka tanah taja pan nemu duit nya semina ulih dikena enda lama aja tang tanah sida mengkang enda ulih diambi
” pulai agi.
lama tu tadi.
Ku iya, bansa Iban patut puh ngetanka tanah sida ari ke dijual semadi nadai chara bukai agi dikena ngiga belanja lebih agi baka dikena nyengula ke anak tauka maya bisi penusah berat nyadi.
Bekenangka tanah, ku Ting, bansa Iban ke diau di rumah panjai anang lembau ngemansangka tanah sida baka numbuhka kebun ngambika ulih nambahka agi penatai pemisi ruang bilik.
“Ubah maya hari tu randaka kitai ransing agi ngiga penatai pemisi.
“Bansa Iban bisi mayuh tanah alai kita tau bendar ngaga pemansang bekebun,” ku lalau iya.
Berebak enggau pengawa tu, Ting madahka taun tu taun ti balat nyadi penguji ngagai rayat.
Tang ku iya, taun tu mega alai rayat sekali agi nyadi ‘bos’ laban Pengawa Bepilih Nengeri (PRN) deka diatur enda lama agi.
“Kitai ngarapka rayat di DUN Meradong ditu landik berunding milih sapa chalun ke patut sereta ulih nyadi pengari rayat lalu ukai semina bejaku aja tang chakah nyaup ngelempung penusah pengidup,” pia ku iya madah baru.
Ting madah, di DUN Meradong, endang baka selama mayuh orang deka nyadi chalun baikka ari parti perintah tauka chalun ngenati kediri nyengkaum serak ke sekali tu.
Iya sekali agi minta rayat ba dia berunding dulu sapa bagi ke patut dipilih sida.
Kelimpah ari nya, Ting bela nesau rayat ba DUN nya ngambika anang jugau betanya ngagai Opis Bekuasa Kandang Menua (PBT) laban PBT dia taun tu diungkupka mayuh belanja ari perintah.
“Pinta projek ke patut baka projek ngaduka jalai tauka projek ke bukai ngagai PBT.
“Nya udah nyadi hak kita alai minta lalu nadai orang ulih ningkah pekara nya,” ku iya madah.
Ba pengawa nya Ting mega bisi nyuaka pemeri ngagai rumah panjai nya.
Ting Tze Fui ADUN Meradong