Mawan mujur mai mayuh pemansang ngagai Pakan
Kelimpah bejalaika projek infrastruktur ke besai iya mega udah ngagih MRP sereta ngemendarka projek ari baruh RTP
PAKAN: Nyungkak tikas ekonomi rayat begunaka gempung pengawa perintah enggau rayat.
Kaban Kunsil Nengeri ( ADUN) Pakan, Tan Sri William Mawan Ikom madah, taja pan pengawa (nyungkak tikas sosio-ekonomi rayat) dilempai ba perintah Barisan Nasional (BN) ke nyadi batang agenda sida, pengawa nya semina ungkup dikena ngemuntangka proses.
Taja pan perintah BN ngembuan perambu komprehensif nyengkaum chara bejalai tauka ngasuh nya nyadi nyata, pengawa nya semina ungkup penyikap perengka guna baka jalai, jematan, bekal elekterik enggau bekal ai beresi sereta nyerungkai teknologi moden lalu nemu chara nguna.
Iya pechaya, sekumbang nyadi ADUN Pakan, iya udah mujur mai mayuh pemansang ngagai menua Pakan baka ke bisi diatu
“Sekumbang udah nyadi ADUN Pakan, iya udah mujur mai mayuh pemansang ngagai menua Pakan baka ke bisi diatu”
Iya madah munyi tu ba Pengerami Ketuai Begulai enggau Rayat ba Rumah Budum di Nanga Tubai Buah semak ditu kena lemai Hari Dua tu tadi.
Naka ke diatu Pasar Pakan enggau mayuh kandang endur bukai dalam sitak nya udah disambung jalai belakin ngujungka peranak menua nya lantang mindah ngagai menua ke bukai di serata nengeri, ku Mawan seraya nambah, bisi kebuah iya patut berasai temegah ati enggau pemansang ke dijapai Pakan laban iya sebagi ari semua pengawa nya.
Kelimpah ari nya pengawa bejalaika projek infrastruktur ke besai diperambu perintah
Sekumbang udah nyadi ADUN Pakan, iya udah mujur mai mayuh pemansang ngagai menua Pakan baka ke bisi diatu. Tan Sri William Mawan Ikom Kaban Kunsil Nengeri Pakan
BN, iya udah ngagih geran Projek Mit Pemansang Menua Pesisir (MRP) sereta ngemendarka projek mit infrastruktur ari baruh Program Transformasyen Menua Pesisir (RTP) dikena ngemansangka menua Pakan enggau rayat iya, ku iya nambah.
Seraya mantaika pengaga ati iya kelebih lebuh beratika mayuh peranak menua nya ulih bebelika kerita besai sereta ngentakka rumah panjai batu, Mawan ngasaika pekara nya endang patut ke kelai pemansang rayat ngagai pemansang fizikal enggau mayuh macham bantu diberi perintah BN ngelama tu.
Dulu agi ari nya, Mawan diberi basa bejadikaandau enggau jalai semin nyambung ngagai rumah panjai nya.
P r o j e k b e u n g k u s RM283,000 udah dipejalai ngena belanja RTP ti diungkup ngagai sitak Pakan.
Beserimbaienggaupengerami nya, Mawan ngemendarka geran RM40,000 ngagai Komiti Pemansang Enggau Pengelikun Genturung Pendiau (JKKK).
Tuai Rumah Budum madah, tuju gempuru sehari nya nyediaka awak ngagai peranak menua nya meri besai terima kasih kelebih agi ngagai Mawan enggau perintah BN ti udah mai projek baka ke udah disemaya maya pengawa bepilih tu tadi.
Iya ngarapka bekal elekterik ngagai rumah panjai di sitak nya deka disambung enda lama agi laban sambung tali karan udah tembu lalu kabel agi disambung bala kunteriktor.
Sekeda ari temuai bukai ke diberi basa bejaku maya pengerami nya Pemangku Pemesai Pelilih Pakan Yalin Asan, Pemancha Tekong Ranggi enggau Penghulu Dunggok.
Sama bisi datai Pemesai Kanan Opis Pekara Khas (JASA) sitak Parlimen Julau, Sylvester Embuas enggau bala ketuai raban bansa ke bukai.