Pemeresi sungai di Sarawak patut dikemerat
Piak penerit adat ti bekaul enggau sungai dipinta chakah neritka atur dikena ngetanka pemeresi sungai
KUCHING: Piak penerit adat bekaul enggau sungai di nengeri tu dipinta chakah sereta neritka atur dikena ngetanka pemeresi enggau pemanah sungai di nengeri tu.
Kepala Menteri, Datuk Patinggi Tan Sri Adenan Satem madahka, kurang pengibuh sereta atur ke enda terit dipejalaika raban penerit adat ti bekaul ngunjungka mayuh sungai di nengeri tu majak kamah.
Aku deka ngetanka sungai kitai. Mayuh sungai kitai diatu ‘ kopi susu’ ketegal pengawa ngambi batang kayu, ngena chara ke enda patut tauka sungai nya ditekat baka nya aja lalu nagang ai sungai anyut baka selama.
“Tauka kurang pengawa neritka adat. Undang- un- dang bisi tang nadai diterit. Nya meseti dijaga sereta dikeibuhka kita.
“Nya meh pekara ke patut diperundingka enti deka nyaga Malaysia ari kena pekara ti enda manah,” ku iya seraya ngarapka pengawa nyaga rama menua ke udah bisi, patut ditambah.
Adenan mansutka pekara nya lebuh bejadika Hari Rampa Menua 2016 Renggat Nasional ke diatur Opis Menteri Pengeraja Asal enggau Rampa Menua ba Tebing Ai Kuching ditu, ensanus.
Berebak enggau tu Adenan nandu baru madahka perintah enda ngemaruka lisin nebang kayu dikena nyaga kampung ke udah bisi sereta deka nyaga penuh 10 peratus kampung di nengeri tu.
Kitai mega enda ngemendarka pengawa muka kebun bedandang besai baru kelapa
Aku deka ngetanka sungai kitai. Mayuh sungai kitai diatu ‘kopi susu’ ketegal pengawa ngambi batang kayu, ngena chara ke enda patut tauka sungai nya ditekat baka nya aja lalu nagang ai sungai anyut baka selama. Datuk Patinggi Tan Sri Adenan Satem Kepala Menteri Sarawak
sawit di nengeri tu, ku iya.
“Pengawa muka kebun bedandang besai enda dikemendarka agi semina dikemandarka ngagai SALCRA, FELCRA sereta NCR. Nadai agi komersial kebun bedandang besai, udah chukup ngambika kitai ulih ngetan kampung kitai ke ulih nyaga kitai.
“Semua polisi nya ke dike- na nyaga rampa menua udah dipejalaika di nengeri tu,” ku iya.
Sama bisi datai ba pengerami Hari Rampa Menua 2016, Menteri Pengeraja Asal enggau Rampa Menua Dato Sri Wan Junaidi Tuanku Jaafar enggau bini iya Datin Sri Feona Junaidi, menteri, sapit menteri, menteri muda enggau ke bukai.