Mensia mayuh dipinta ngulu program ngintu rampa menua
Ngambika bisi penyedar pasal pemesai guna nyaga rampa menua asal ke pesaka nembiak rebak dudi
BINTULU: Semua raban bansa nadai ngira sida ke tuai tauka biak patut ngaul diri ba tetiap program ngintu enggau nyaga rampa menua sereta biodoversiti ngelingi dikena nentuka pemanah rampa menua asal terus bisi lalu ditampung sida ke nembiak dudi hari, pia ku Menteri Pengintu Pengelantang Pendiau, Orang Indu enggau Raban Bansa, Datuk Fatimah Abdullah.
Ku iya, ba tuju nya, program ke bansa tu endang patut diteranak ngagai bala komuniti di menua nya kelebih agi bala nembiak sekula nentuka sida bisi penyedar pemesai guna pengawa nyaga rampa menua sereta pemayuh biodiversiti ke bisi ba ngelingi endur sida diau.
“Nya alai, aku deka mer-
Nya alai, aku deka meransang raban Gerempung Ukai Dikuasa Perintah (NGO) sereta aktivis rampa menua ngemayuhka agi program nyaga rampa menua sereta biodiversiti ba sekula di menua tu kena meri penemu ngagai bala nembiak bekaul enggau pekara nyaga sereta ngidupka baru rampa menua ngambika pemansang seriris enggau pemanah rampa menua. Datuk Fatimah Abdullah Menteri Pengintu Pengelantang Pendiau, Orang Indu enggau Raban Bansa
ansang raban Gerempung Ukai Dikuasa Perintah (NGO) sereta aktivis rampa menua ngemayuhka agi program nyaga rampa menua sereta biodiversiti ba sekula di menua tu kena meri penemu ngagai bala nembiak bekaul enggau pekara nyaga sereta ngidupka baru rampa menua ngambika pemansang seriris enggau pemanah rampa menua,” ku iya.
Iya mansutka jaku nya rambau bejadika Pengawa Nutup Projek Biodiversiti, Rampa Menua enggau Pengawa Ngintu (BEACON): Kaban Rampa Menua Asal 2016 diatur Malaysia LNG Group of Companies (MLNG) enggau Sarawak Forestry Corporation (SFC) ke diatur bepalan ba Taman Negara Similajau ditu kilah ensana.
Dalam program sekali tu, udah disereta 50 iku nembiak ari lapan buah sekula di bagi menua tu alai sida ngulu mayuh macham program bepelasarka rampa menua, utai tumbuh enggau utai idup, jelu siga enggau ke bukai.
Seraya madahka program tu engkeman maya ti ngatur, Fatimah ngarapka program tu deka terus dipejalai dudi hari sereta dikemanah agi laban tu nyadi pelasar pemadu manah nyeridi raban nembiak rebak baru angkunka rampa menua sereta biodiversiti ke bisi dia.
“Aku meri basa sereta puji ngagai MLNG enggau SFC ti ransing bejalaika pengawa ngemujurka program BEACON tu ninting taun alai manggai ba taun ke-4 taun tu kenyau ari taun 2013 suba,” ku iya nerang.
Nya alai, kerejasama ari semua ti bekaul diguna kena ngemujurka program ke bansa tu ke endang meri empas ti manah ngagai rampa menua sereta pesaka asal ti bisi di Bagi Menua Bintulu ke nyadi sebuah mengeri industri ti benung chakah mansang.
Pia mega ku iya, pengawa MLNG ngangkatka pengawa nyaga rampa menua enggau pemanah rampa menua asal deka nyadi projek penengkebang ngagai Bintulu nyadi sebuah mengeri industri manggai ba taun 2020.
Kaban Kunsil Nengeri ( ADUN) Samalaju, Majang Renggi, Sekretari Politik Kepala Menteri, Jenny Bangga enggau Ketuai LNG Malaysia Petronas, Pau Kiew Huai sekeda bala ke bisi datai.