Violet ngarap perintah nurunka rega gis
KUCHING: Rayat ngarapka rega gis ulih dikurangka agi enti sema Rang UndangUndang Nyadung Gis udah dikemendarka ba Aum Kunsil Nengeri.
Kaban Kunsil Nengeri ( ADUN) Pending Violet Yong madah,pengudah Rang Undang-Undang nya dikemendarka ila, penanggul rayat bekaul enggau rega gis engka bisi empas ba sida.
Enti rega bekal gis (nengah paip tauka LPG) mar agi ari rega ke diatu, pekara nya deka nating rayat laban sida ngasaika pemar berindik ari rega gis ke ditiki.
“Rayat enggai agi ninga dalih pasal rega gis ke nyau mar, baka ke digaga SESCO ngagai penguna. Sebedau tu SESCO kala madah enda ulih ngurangka rega elektrik ketegal ungkus ke tinggi dikena ngeluarka karan nya, nyendia sereta mekal elektrik.
“Baka nya mega enggau kes tu (gis), rayat enggai agi ninga perintah meri mayuh macham dalih, iya nya rega gis enda ulih murah agi ketegal ungkus nyendia, mekal, masang paip gis enggau perengka bukai,” ku Yong madah belabanka penemu bekaul enggau Rang Undang- Undang Nyadung Gis, 2016 ba Aum Hari Keterubah, Aum Kedua Penggal Keterubah, Kunsil Nengeri ke-18 ditu, kemari.
Nya alai ku iya, rayat ngarapka rega gis murah agi ari rega ke diatu.
“Sebedau Perintah Nengeri netapka rega gis, perundingka penusah rayat lalu anang ngena Rang UndangUndang tu semina deka meri pengeraja ngagai sekeda orang aja nyengkaum kaling sida aja.
“Enti DAP megai Perintah, kami deka meri gis enda bebayar ngagai semua rayat Sarawak laban nya semina ungkup nengeri tu aja, lalu pengulih meri gis ti enda bebayar ngagai rayat bepanggai ba Perintah ke megai menua,” ku iya. KUCHING: Bisi 26 Seksyen dalam Adat Iban 1993 diperambu deka diubah, ngambika setipak enggau jalai pengidup diatu tauka dipadamka enti enda releven.
Menteri Muda ba Opis Kepala Menteri (UndangUndang enggau Adat Bumiputera) Datuk John Sikie Tayai madah, perambu sereta peminta deka ngubah 26 seksyen nya kala udah dikenataika ngagai perintah dalam taun 2014.
“Bekaul enggau Adat Iban 1993, bisi 26 seksyen diperambu deka diubah.
“Perambu deka ngubah 26 seksyen Adat Iban 1993 kala dikenataika dalam taun 2014
Datuk John Sikie Tayai Menteri Muda ba Opis Kepala Menteri (Undang-Undang enggau Adat Bumiputera)
iya nya dua taun ke udah, tang bedau diperundingka lalu agi kategori dokumen rasia, “ku iya.
Sikie mansutka pekara nya lebuh nyaut tanya tambah ari Wilson Nyabong Ujang (BNPelagus) maya Sesi Tanya Saut dalam Aum Kedua Penggal Keterubah, Aum Kunsil Nengeri (DUN) ke-18 ke diatur ba Begunan DUN ditu, kemari.
Dulu ari nya, Sikie madahka bisi tujuh (7) Undang-Undang Adat udah dikodifikasyen ngambika dikena dalam Kort Bumiputera.
Majlis Adat Istiadat nengah bengkel enggau seminar ke diatur ungkup ketuai raban bansa, ketua bansa enggau pengemeran adat benung ngumpul timbal baka penemu enggau perambu ari pesereta pasal seksyen ke patut diubah nitihka jalai pengidup diatu tauka dipadamka aja nyema enda releven, ku iya.
“P e n g u d a h t e m b u digumpul, perambu nya deka dikenataika ngagai perintah ngambika diubah.
“Ungkup Adat Iban ke udah dikenataika ngagai perintah, bisi 26 seksyen diperambu diubah,” ku iya.