Palan nyaga pengelikun ba garis entara menua deka ditambah: Masir
Dikena neritka atur kelebih agi bekaul enggau pengawa mai barang chara belalai ke menua tu
SIBU: Beberapa buah palan nginau diperambu deka digaga ba nengeri tu dikena neritka agi pengawa nyaga pengelikun garis entara menua Sarawak-Kalimantan sereta nyeliahka penyalah nyadi nyengkaum penyalah bebaika barang enggau chara belalai.
Sapit Menteri Dalam Menua Masir Kujat madah, endur ke diperambu alai ngagai palan tu iya nya di Lachau, Ulu Baram enggau Ulu Rajang kelimpah palan Imigresen, Kastam enggau Kuarantin (ICQ) diperambu digaga di Serikin.
“Pengawa tu endang deka digaga kitai laban kitai chakah ngintu pengelikun garis entara menua sereta nyeliahka penyalah tama belalai.
“Tang taja pan baka nya semua tu bepanggai ba agih ke diberi perintah,” pia ku iya maya berandau enggau pengarang berita, kemari.
Kaban Parlimen Sri Aman tu mega madah, palan nginau di garis antara menua Batu Lintang udah bisi tang empai bisi rumah palan nya digaga dia.
Nambahka nya, iya madah, nitihka ubah maya hari jemah ila, palan nginau ke diper-
Pengawa tu endang deka digaga kitai laban kitai chakah ngintu pengelikun garis entara menua sereta nyeliahka penyalah tama belalai. Masir Kujat Sapit Menteri Dalam Menua
ambu digaga di Ulu Baram nyangka ulih diangkatka nyadi ICQ.
Ba Lubok Antu, ku iya, palan nya udah berengkah dikena.
Ba pekara ti bekaul, Masir mega madah, raban pengintu pengelikun garis antara menua udah bisi di Sarawak tang dikalih ngagai nama Aksem (Agensi Kawalan Sempadan Malaysia).
“Di Batu Lintang, kitai udah bisi beberapa iku Pasukan Gerakan Am (PGA) ti nyaga palan nginau di garis antara menua lalu sida tu endang iya ke suba, ukai orang baru.
“Kitai endang ngena PGA iya kediatu baikka ba nengeri tauka menua tu,” pia ku iya nerang.
Kilah ensana, Masir bisi datai ngabas Batalion Ke-10 (BN10) PGA di Kem Lanang ditu.
Penatai iya maya nya mai berita madahka agih sepenyampau RM200 juta udah diungkupka nengah Bajet 2017 dikena ngaga enggau ngemanah rumah ba kem nya.
Kena 5 November tu tadi, semilan ari 10 iti kuarters ba kem nya udah angus. KUCHING: Sebengkah raban laman randau rama – raban ‘Whatsapp’ ti ngelar diri Dayak 360 (D360) bisi bepupu sereta nyuaka bantu ngagai Samuel Suring sebilik pengudah anak lelaki iya, Mike Wilson Suring, beputung ba Sepital Besai Sarawak (HUS) apin lama ke udah.
Suring enggau sida sebilik meri besai terima kasih kelebih agi ngagai raban D360, raban Serakup Dayak Sarawak (PEDAS) enggau bala ke bukai ke udah gerah jari sekalika ba tulang enggau mata duit tauka bantu ke bukai.
Ku Suring, iya berasai temegah ati enggau gerempung sereta serakup bala kaban ti mantu ngelempungka tating penusah ditapi sida sebilik.
Pengawa nyuaka bantu diketuaika Larry Saban enggau Chris Salin disempulang bala bukai ba rumah Suring empu di Miri ke disua ngagai bini iya, Pauline.
Mike Wilson nampung perubat iya ba SGH pengudah diperubat bala lutur di Sepital Miri. Naka ke diatu, pengerai Mike agi dipatau bala lutur pakar pengudah ke beputung.
Mensia mayuh ke bisi ati sinu ditesau bela gerah jari seraya besampika pengerai Mike ngambika pulai gerai baka selama.
Tanya enggau penerang silik pasal pekara tu tau betelefon nuju Larry Saban (013-8377071) enggau Chris Salin (014-8876088).