Ding: Anang nutup IPG Kampus Rajang
Laban semina IPG Kampus Rajang aja di nengeri tu ke endur nempa pengajar Jaku Iban
KUCHING: Sitak Kunsil Nengeri (DUN) Lingga minta sebuah Kolej Komuniti digaga ba sitak nya.
Kaban Kunsil Nengeri (ADUN) Lingga, Simoi Peri madah diatu nembiak ke udah nembuka SPM ari DUN Lingga ke masuk program ti disediaka ngagai Kolej Komuniti di Betong enggau Kuching.
“Tu beguna belanja ke besai sereta ngenusahka nembiak enggau apai indai ti enda ngembuan penatai pemisi ke besai.
“Nya alai aku minta perintah berunding muka sebuah Kolej Komuniti di DUN Lingga ti nyadi strategi timpuh panjai ngemansangka pelajar ba sitak kami. Aku pechaya pemisi kolej nya deka matih mayuh pengereja pengawa ke bepengelandik lalu deka ngangkatka pemansang ba sitak DUN Lingga,” ku Simoi madah lebuh belabanka penemu pasal Bajet 2017 ba Aum Kunsil Nengeri ditu, kemari.
Ku iya baru, menua tu deka ngelatih modal mensia ke pemadu manahngambika ulih ngisi pinta standard ari Opis Menteri Pelajar, ke alai sukut pemansang sekula patut dikemeratka nengah chara nyendiaka ungkup ari Bajet 2017 dikena nganti sereta ngemanahka agi sekula di Sarawak.
“Aku ngarapka sebagi ari Bajet 2017 nengah Opis Menteri Pelajar Malaysia enggau Opis Pelajar Sarawak bisi diberi ungkup dikena ngaga sekula baru SK Maludam ke ngelama tu udah jauh endar tinggal ari sukut pemansang infrastruktur enti dibanding enggau sekula di mengeri.
“Ba aku, awakka SK Maludam bisi sekula baru laban umur sekula nya diatu nyau manggai 60 taun. Nya ti dikearapka mensia mayuh ke diau ba sitak tu,” ku iya.
Kelimpah ari nya, iya madah, SJK Chung Hua Lingga, SJK Chung Hua Maludam, SK Sembayang enggau SK St Dunstan Seduku mega patut sama dikemeratka.
Kelimpah ari nya, Simoi mega madah ba sitak iya agi kurang endar perengka guna ungkup nembiak ba pengawa belumba enggau main tauka ngaga aktiviti sida.
“Ambika chunto, ba Putat Gran/Stumbin, Tanjung Bijat, Seduku, Kpg Triso nyengkaum Kpg Sungai Mulon enggau Sungai Pedada Maludan apin bisi padang futsal enggau palan rekreasyen. Lalu pia mega di Lingga ti nadai padang endur bemain bol.
“Nya alai, aku minta perintah ngaga gelanggang futsal, padang alai bemain bol enggau palan rekresyen ti ulih dikena urung 3,000 nembiak ba sitak nya,” ku iya.
Kelimpah ari nya, Simoi madah mayuh rayat ke diau di sitak nya enda lantang ati enggau pengulih sereta pengelaju internet di genturung pendiau sereta rumah panjai.
“Ambika chunto, baka diLadong, Lemanak, Pruan, Putat, Entulang, Skra, Tawang, Tajor, Tanjung Bajiat, Seduku enggau Kampung Triso bedau bisi ‘Kampung Tanpa Wayar’.
“Taja pan, ‘Kampung Tanpa Wayar’ bisi di Stumbin, Lingga enggau Maludam diatu tang nya semina manah didinga aja. Servis WiFi enda ulih dikena lalu bisi sekeda madahka iya rusak.
“Kena meri pengelantang ngagai rayat, aku minta ngagai perintah nengah kerejasama Suruhanjaya Komunikasiyen enggau Multimedia (SKMM) sereta Telco ngaga ke patut dikena mutarka penanggul nya lalu barang sitak ke udah bisi tiang pemanchar patut digaga manah agi,” ku iya. gajar asal nengeri tu.
“IPG Kampus Rajang nya semina sebuah IPG ti nyendiaka Pelajar Jaku Iban ke lalu nempa pengajar Jaku Iban.
“Berindik ari pekara nya, aku ngasaika IPG Kampus Rajang nya beguna amat dikena nyapai juluk dekaka 90 peratus pengajar ari Sarawak ngajar di nengeri tu lebuh manggai ba taun 2018,” ku iya.
Ding mansutka pekara tu lebuh bejuraika Bacha ti Kedua Kali Rang UndangUndang Perbekalan (2017), 2016 enggau mosyen bekaul enggau Resolusyen Ang-