Perintah Nengeri dipinta bebatak asur nyapai 90 peratus pengajar asal ari Sarawak

KUCHING: Perintah Nengeri dikearapka enda tau enda bebatak asur ba pengawa deka nyapai juluk nisbah 90 :10 pengajar asal ari Sarawak ngajar di nengeri tu.

Taja pan Perintah Nengeri nyukung penemu Perintah Besai ke deka nempa mayuh agi pengereja pengawa bepengelandik di nengeri tu, Datuk Tiong Thai King (BN-Dudong) madah, langgur perintah ti deka nukar Institut Pematih Pengajar (IPG) di Sarawak ngagai kolej politeknik enggau vokasional meri pengirau ngagai juluk deka nyapai ratio 90:10.

Dalam Bajet 2017 ke dibantaika bulan Oktober apin lama, bisi tiga ari empat IPG di Sarawak deka ditukar nyadi kolej politeknik enggau vokasional, iya nya IPG Kampus Miri; IPG Kampus Rajang enggau IPG Kampus Tun Abdul Razak Samarahan.

Ke agi nyadi IPG di Sarawak iya nya IPG Kampus Batu Lintang, Kuching.

“Seraya kitai nyambut manah pemendar Perintah Besai ti deka nambahka penyampau pengereja pengawa bepengelandik di nengeri tu, kitai enda tau enda bebatak asur enggau juluk nengeri ti deka nyapai nisbah 90:10 pengajar ari Sarawak ngajar di nengeri tu.

“Atur ke deka nukar IPG ngagai kolej nya deka meri empas besai ngagai pengawa ngelatih pengajar di Sarawak sereta ulih ngeruga pengawa ke deka nyapai juluk 90 peratus kuota pengajar ari nengeri tu lalu 10 peratus kuota ari nengeri luar di nengeri tu lebuh manggai taun 2018,” ku iya.

Tiong mansutka pekara nya lebuh ti bejuraika Bacha Yang Kedua Kali Rang UndangUndang Perbekalan (2017), 2016 enggau mosyen bekaul enggau Resolusyen Anggar Pemansang Ungkup Belanja 2017, ba baum kunsil nengeri ke diatur ba Bangunan Kunsil Nengeri ditu, ensanus.

Kelimpah ari nya lebuh ke ngenang pasal penanggul dalam sitak ti diarika iya, Tiong ngarapka Perintah Besai meri ungkup belanja dikena bejalaika projek nagang ampuh bah ba sitak Dudong.

Berebak enggau tu iya beterima kasih ngagai Perintah Besai ti udah ngemendarka ungkup belanja dikena bejalaika projek nagang ampuh bah Fasa 1 enggau Fasa 2 nengah Opis Entali Ai enggau Parit, lalu projek nya udah mutarka penanggul bah ba Ulu enggau tengah Jalai Lanang.

“Kitai minta perintah majak ngungkupka belanja dikena bejalaika projek nya ba Fasa 3, ke ulih mutarka penanggul ba Jalai Lanang Baruh enggau Puak Pasar Sibu sereta semanjai jalai ngagai Sg Antu. Ari projek nya, Sibu nadai agi betapi enggau penusah ampuh bah,” ku iya seraya madahka diri nyukung Bajet Nengeri.

Nambahka nya iya minta Opis Kereja Raya (JKR) ngemanahka agi Jalai Kong Yit Khim tauka Jalai Salim Stabau ti nyambung ngagai kandang menua Salim enggau Padang Bilun Sibu seretaJematan Durin.

Ku iya, jalai nya kelalu balat betiku sereta ngeruga pengelikun penguna jalai alun. KUCHING: Perintah patut berundingka dulu langgur deka nutup Institut Pematih Pengajar ( IPG) Kampus Rajang ti semina sebuah IPG di nengeri tu ke nempa pengajar Jaku Iban, pia ku Datuk Ding Kuong Hiing (BN - Meradong).

Nya alai aku minta sereta ngansak Opis Pelajar ngambika enda nutup IPG Kampus Rajang. Datuk Ding Kuong Hiing Kaban Kunsil Nengeri Meradong

Dalam Bajet 2017 ti dipejuraika Menteri Besai dalam bulan Oktober taun tu, IPG Kampus Rajang sebuah ari tiga buah IPG di Sarawak ke diperambu ditukar nyadi Kolej Politeknik enggau Vokasional.

Ding madah, enti Kampus nya ditutup nya deka ngeruga juluk perintah nengeri ke deka nempa mayuh agi pen- gar Pemansang Ungkup Belanja 2017, maya aum kunsil nengeri ke diatur ba Begunan Kunsil Nengeri ditu, kemari.

Ngenang pasal nya baru, iya madahka IPG nya endang beguna amat kelebih agi palan iya ti strategik ungkup rayat ba kandang menua muakka tengah Sarawak.

Ku iya, IPG Kampus Ra- jang nya nyendiaka servis ngagai kandang menua pesisir enggau menua ulu baka Betong, Sibu, Sarikei, Kapit enggau Mukah.

Kampus Rajang nya mega dipilih ketegal nyendiaka kereban ke chukup sereta bisi peminta tinggi ari opis ke ngelingi nya.

“Nya alai aku minta sereta ngansak Opis Pelajar ngambika enda nutup IPG Kampus Rajang,” ku iya.

Kelimpah ari IPG Kampus Rajang, dua agi IPG ke diperambuka ditutup iya nya IPG Kampus Tun Abdul Razak di Kota Samarahan enggau IPG Kampus Miri.