Sebuah rumah panjai enda patut bisi dua tuai rumah
Ulah ti semina ngerunding diri empu aja ngujungka peranak rumah panjai pechah lalu bisi dua tuai rumah
SRI AMAN: Ulah ti semina ngerunding diri empu aja sereta enggai nerima penemu orang bukai, entara kebuah sesebuah rumah panjai di nengeri tu pechah ngagai dua sereta bisi dua tuai rumah.
Menteri Muda Ekonomi Menua Pesisir enggau Kebun Bedandang Besai Datuk Francis Harden Hollis madah, ketegal enda puas ati sereta enda selubang penemu bisi peranak rumah panjai nya bepechah sereta bisi tuai rumah baru taja pan rumah panjai nya endang udah bisi tuai rumah.
Nitihku iya, ketegal pekara tu bisi sesetengah piak nyalahka pengari rayat ba sitak nya laban ti enda ulih mutarka penyarut entara bala tuai rumah nya.
“Penanggul tu patut diputarka begulai lalu piak ke bekaul endang patut duduk semija berandau begulai sereta anang sesekali bepechah enggau pangan diri laban ba rumah panjai nya tebal agi diri sebala,” ku iya.
Iya ti mega Kaban Kunsil Nengeri ( ADUN) Simanggang mansutka pekara nya lebuh ti bejaku ba Program Dialog Opis Menteri Pemansang Menua Pesisir enggau Mengeri ( KKLW)
Penanggul tu patut diputarka begulai lalu piak ke bekaul endang patut duduk semija berandau begulai sereta anang sesekali bepechah enggau pangan diri laban ba rumah panjai nya tebal agi diri sebala. Datuk Francis Harden Hollis Menteri Muda Ekonomi Menua Pesisir enggau Kebun Bedandang Besai
di Rh Jegai, Purai, Batu LIntang ditu, apin lama ke udah.
Ku Harden, enti enda beserakup, nya deka ngenanggul perintah mai pemansang ke rumah panjai ti bekaul nya.
“Ketegal tu mega, rumah panjai nya enda uli dikemansang sereta peranak rumah panjai nya mega deka nerima pangka ari penanggul nya,” ku iya.
Harden ngelalau bala tuai rumah dalam sitak ke dikuasa iya, madahka lebih manah agi enti sebuah rumah panjai nya bisi seiku ketuai ti manah sereta megai tanggungpengawa ngagai peranak ke dipegai.
“Nyema bisi dua iku tuai rumah dalam sebuah rumah panjai nya, aku ngarapka, salah seiku patut ngalahka diri laban enda manah amat sebuah rumah panjai bisi dua iku tuai rumah,” ku iya.
Sama bisi datai ngagai pengerami nya, Sapit Menteri Dalam Nengeri II ti mega Kaban Parlimen Sri Aman, Masir Kujat, Temenggong Samuel Lawen sereta ketuai raban bansa ari kandang endur kebukai. KUCHING: Opis Pengintu Pengelantang Pendiau (JKM) diatu benung ngiga apai indai tauka kaban belayan seiku anak mit indu ke ditemu mensia mayuh di genturung pendiau Desaras, Tudan Miri kena 24 November 2016 tu tadi.
Anak mit ke ditemu ba babas urung jam 2.30 lemai nya nadai ngembuan sebarang pengelala diri.
Nitihka seiti surat penerang berita ari JKM, anak mit nya meseti dijaga lalu diintu enggau manah.
“Pemesai pengintu anak mit ari JKM udah ngenataika pinta ari Kort ngambi ulih ngintu anak mit nya di Institusyen Pengintu Pengelantang Pendiau nengah Perintah Jagaan Sementara, nengah Seksyen 25(2) Akta Kanak-Kanak ke digaga kena 8 Disember 2016,’ku surat penerang berita JKM ensanus.
Dulu agi ari tu, anak mit nya udah diperubat di Sepital Miri.
Berindik enggau nya, JKM ngelalau mensia mayuh ti bisi penerang sentang kaban belayan anak mit ngambi tau madah ngagai pemesai pengintu anak mit.
Penerang tau dikenatai ngagai Mastika Matair enggau Fatimah Buah di Opis JKM Miri nengah lumur 085-419072 tauka 085-419073.