Utusan Borneo (Sarawak)

Raban Kristian diperansan­g rinduka semua orang taja bebida pengarap

-

KUCHING: Krismas meransang kitai orang Kristian neladan pengasih Tuhan, idup dalam penuh pengerindu sereta nulung orang bukai ti kurang benasit manah sereta begunaka bantu.

Chairman Parti Keadilan Rakyat (PKR) Sarawak, Baru Bian madahka, ajar Kristian endang bepelasark­a ngagai leka jaku ‘pengerindu’.

Ku Baru, aku agi ingatka jaku dalam Bup Kudus, seiku luyar betanya ngagai Yesus ‘nama utai patut dikereja aku dikena ngulihka pengidup ti meruan belama?’; Jesus nyaut ‘Rindu ke Tuhan, Allah Taala, enggau sepenuh ati sereta enggau penuh penegap nuan enggau semua runding sereta rinduka pangan diri baka nuan rinduka diri empu’.

‘Luyar nya deka betanya baru; ‘Sapa diri sama diri?’ Tu meransang Jesus deka madah ngagai orang mayuh pasal sempama orang ti manah iya nya seiku Levite enggau priest mansa seiku lelaki ti telih ti dipelabaka Yahudi, tang seiku orang Samaria ngetu mantu iya, taja pan orang Yahudi enggau Samaria udah dikelala begedika pangan diri.

‘Lebuh Jesus nanya betanya ngagai orang mayuh,’sapa orang ke sepiak enggau lelaki ke telih?’ Ku Luyar nya nyaut enggau betul: ‘Orang ti sinu ke iya’. Orang ti kasihka orang bukai dikelala nyadi orang ke manah.

Bepelasark­a ke ajar nya ku Baru, orang Kristian diajar rindu sereta kasih ke orang bukai taja pan bebida jalai pengarap.

“Kitai diajar ibuh tauka betatika orang bukai sereta kasihka sida, taja pan bebida ari kitai. Baka Samaritan, kitai dipinta kasih tauka rinduka orang ti begunaka nya, laban sida semak tauka sepiak enggau kitai.

“Ba orang Kristian, pengerindu nadai meri bida ba bansa enggau jalai pengarap; nya sebengkah konsep ti nadai entara tauka nadai sekat,” ku Baru dalam pesan Hari Krismas iya.

Nambahka nya Kaban Kunsil Nengeri ( ADUN) Ba’Kelalan nya madahka pengerindu orang Kristian enggau tanggungpe­ngawa kitai ngingatka kitai ngambika bejaku ngarika orang ke enda ulih bejaku ke diri empu. Enda bebunyi ukai utai ke dipilih.

Pengerindu Tuhan meri peransang ngagai kitai iya nya bisi kebuah kitai berami taja pan bisi maya iya kitai enda ulih mereti nama kebuah kitai betapi enggau penguji sereta diperinsa, ku iya.

Lebuh ti ngaitka pengerindu nya enggau pengawa dunya, Baru madahka iya enggau bala bakih iya ti alah pasal hak adat ba mahkamah, nya ukai nyadika pengelemi.

“Aku enda merening nya nyadi pengujung ba kami. Agi bisi ruang lalu kitai patut ngereja iya, arap enggau sepenuh ati iya nya Tuhan bisi nyaup kitai dalam semua pekara ti mai pemanah ngagai orang ti kasih tauka rinduka Iya, baka nitihka peneka Iya (Roman 8:28),” ku iya.

“Tang kitai anang enda ingat isu ke ditapi kitai tiap hari semina pekara dunya. Ba dunya ti mayuh penguji tu, kitai enda ulih ngarapka asil ti manah belama.

“Isu ti pemadu beguna iya pesan pengerindu Krismas, iya nya Tuhan kasih tauka rinduka kitai, iya nganjung Anak Iya ngambika kitai ulih idup meruan belama. Dalam runding enda tau enda bisi pengliat, nemu sereta arap iya nya utai ke bendar tauka amat deka nyadi nyata ba pengujung iya.

“Aku ngarapka orang Kristian bulih berekat Krismas sereta ngagai semua, Selamat Taun Baru,” ku Baru.

 ??  ?? BARU
BARU

Newspapers in Malay

Newspapers from Malaysia