Utusan Borneo (Sarawak)

Anang bejalaika pengawa nunu semak perengka karan

-

KUCHING: Rayat di nengeri tu dilalau ngambika enda bejalaika sebarang aktiviti baka nunu utai semak enggau perengka karan.

Nitihku penerang berita ti dikeluarka Sarawak Energy Berhad (SEB) ensanus, insiden ti nyadi ba sebengkah perengka karan di Miri ke dibantaika media, kebuah penyadi api ketegal muai enggau nunu uras semak perengka karan nya.

Ku SEB, aktiviti ti baka nya ulih mai pengerusak ke balat ngagai perengka enggau kabel karan.

“Perengka enggau kereban karan bukai iya nya infrastruk­tur ti beguna. Pengawa nunu sengapa ulih ngerusak kereban karan sereta ngeruga bekal karan nyema penusah angus nya enda ulih ditagang,” ku Pemesai SEB Tan Joo Kok.

Nya alai, iya ngelalau dikena nyeliahka pekara nya nyadi, mensia mayuh ti meda aktiviti betunuka seberang utai semank enggau kereban karan tau telefon ngagai SEB ngena lumur 1300 88 3111.

Newspapers in Malay

Newspapers from Malaysia