Utusan Borneo (Sarawak)

JPJ deka ngemeratka operasi ba palan suah penusah bebadi

-

SIBU: Opis Perengka Pengangkut Darat (JPJ) udah belabuh ngatur Operasi Krismas 2016 berengkah kemari (24 Disember) nyentuk pagila (26 Disember) lalu ditandu baru 30 Disember nyentuk 2 Januari 2017.

Pemantu Direktor JPJ Nengeri Albert Clement madah, pengawa nya disempulan­g 83 iku raban sida ti ngemeratka agi pengawa tu ba endur ti suah alai penusah bebadi jalai alun nyadi ba serata nengeri.

Iya madah, raban sida bela deka ngatur pengawa matau ba terminal bas di Kuching, Sibu enggau Miri.

“Operasi Krismas lebih agi deka ngemeratka pengelikun bas enggau semua perengka pengangkut diri empu.

“Ba termina bas ekspress, raban JPJ deka begulai enggau Agensi Pemunas Dadah Menua (AADK) ti bejalaika pengaw meresa ai kemi deriba bas.

“Tuju kitai endang deka ngurangka agi penyampau kes bebadi di jalai alun maya hari besai tu,” pia ku iya sambil madah pengawa ke sebaka mega deka diatur ba serata menua.

Bekaul enggau operasyen JPJ di terminal bas, Albert madah, sida mega deka meresa bas dikena nentuka pengelikun bas nya ulih dikena.

“Bas ti enda nitihka atur enda dikemendar­ka bejalai,” ku iya nerang.

Sida ke deriba bas bela ditangkan semampai nitihka atur pengelaju ti udah ditetapka laban penyampau kerita deka nambah nyerumba hari besai tu.

Ku Albert, raban sida mega bisi diengkah ba simpang jalai ngiga sida ti ngelanggar atur jalai alun.

Berindik ari nya, iya ngarapka semua orang bela bekerejasa­ma sereta semampai nitihka atur jalai alun.

“Ari pengawa tu kitai ulih ngurangka agi penyampau kes bebadi ba jalai alun.” pia ku iya madahka baru.

 ??  ?? BERATKA PENGELIKUN: Seiku raban JPJ benung meresa pengelikun tayar bas.
BERATKA PENGELIKUN: Seiku raban JPJ benung meresa pengelikun tayar bas.

Newspapers in Malay

Newspapers from Malaysia