BR1M ukai dikena perintah nyuap rayat
Tu inisiatif perintah dikena ngelempungka tating rayat napi belanja pengidup ke niki
MIRI: Tetiap bantu diberi perintah ngagai rayat kelebih agi Bantu Rayat 1Malaysia ( BR1M) enda patut dikumbai seiti pekara makai suap dikena ngulihka sukung rayat.
Kaban Parlimen Sibuti, Ahmad Lai Bujang madahka BR1M ke dilanchar kenyau beberapa taun ke udah iya nya insiatif perintah dikena mantu ngelempungka tating rayat kelebih agi belanja pengidup majak niki.
“Rayat patut meri terima kasih ngagai perintah laban ukai semina neruska bantu tu tang mega nambahka penyampau ari RM900 manggai RM1,200 ungkup ruang bilik bepenatai pemisi baruh RM3,000,” ku iya madah ngagai Utusan Borneo.
Ba sitak Parlimen Sibuti ku iya, penyampau peminta baru udah nambah urung 1,000 iku lalu tu nyata ngayanka pemesai guna bantu tu ngelempungka tating rayat.
Pia mega ku iya, orang bujang enggau bisi ruang bilik bepenatai pemisi baruh RM3,000 dipeda pemadu mayuh minta BR1M ba sitak nya.
“Tu bantu ke endang di-
Rayat patut meri terima kasih ngagai perintah laban ukai semina neruska bantu tu tang mega nambahka penyampau ari RM900 manggai RM1200 ungkup ruang bilik bepenatai pemisi baruh RM3,000. Ahmad Lai Bujang Kaban Parlimen Sibuti
anti rayat kelebih agi ruang bilik bepenatai pemisi baruh RM4,000 enggau ke bedau bisi ruang bilik, laban bantu tu ulih dikena bebelika kereban sekula bala anak enggau ke bukai,” ku iya nerang.
Pengawa ngagihka BR1M taun baru ku iya muntang endar laban terus diberi nga- gai akaun bank sida ti nerima dibanding chara manual tauka ngelawa kaunter tauka bank baka jeman BR1M 1.0 enggau 2.0.
Ba lansa ke bukai, Chairman Parti Pribumi Bersatu (PPBM), Tun Dr. Mahathir Mohamad madahka BR1M tu pekara makai suap pemadu besai ke dikereja di menua tu.
Penemu ex-Menteri Besai tu dipejah mayuh bengkah piak nyengkaum penerima BR1M ke ngaku Tun Mahathir tu udah enda relevan ba pekara nyakal polisi-polisi perintah.