Sarawak udah lenyau seiku pemesai ke endang dikerindu rayat
Pemidang KM ke udah bebendar mai pemansang ngenyinuka ati rayat S’wak
SIBU: Sarawak balat ngasaika penyinu ketegal ditinggalka Kepala Menteri niang Datuk Patinggi Tan Sri Adenan Satem ti udah midang lemai kemari.
Kaban Kunsil Nengeri (ADUN) Tamin Ir Christopher Gira Sambang madah, penusah tu diasaika genap iku rayat nengeri tu ti deka puang laban nadai agi pemesai baka niang.
“Niang udah mujur ngaga macham ubah ngagai atur pegai entara perintah nengeri enggau perintah besai.
“Iya ngaga mayuh bengkah perambu transformasyen sekumbang ke nyadi Kepala Menteri,” pia ku madah ngagai pengarang, kemari.
Ku Gira, sekumbang nyadi Kepala Menteri, niang bebendar deka ngempitka agi seraka pemansang kandang mengeri enggau menua pesisir nengah Program Transformasyen Menua Pesisir (RTP).
Iya madah, niang mega
Niang udah mujur ngaga macham ubah ngagai atur pegai entara perintah nengeri enggau perintah besai. Ir Christopher Gira Sambang ADUN Tamin
chakah negika hak nengeri tu nitihka Sempekat Malaysia 1963.
Kelimpah ari nya, Temenggong Dato Vincent Lau Lee Ming madahka niang deka semampai dikenang semua bala nembiak, pengajar, apai enggau indai nembiak sekula China.
Lau ti mega Chairman Persatuan Jawatankuasa Gabungan Sekolah Cina Malaysia (Dong Zong) madah, niang gerah jari kala meri bantu sepenyampau RM12 juta ngagai sekula China, tu semampai dikeingat.
“Kitai mega berasai sinu laban niang seiku Kepala Menteri ti mayuh mai ubah enggau pemansang ngagai nengeri tu.
“Chara, pengeransing sereta pengelandik niang nyadi ketuai dikearapka semampai ulih dipeda ba nengeri tu ti nyadika chunto pemansang enggau pengelikun pengidup,” ku iya madah.
Chairman Gerempung Ex-Polis Malaysia Pampang Kanowit Liew Tubow ngarika gerempung sida bela mantaika penyinu ati sepengudah nemu berita nya.
Iya madah, sida berasai tekenyit sereta enda ngadang niang lengkas amat nadai laban maya ngereja pengawa niang dipeda regas.
“Rayat Sarawak agi belala amat dipegai niang.
“Kitai agi deka meda niang mai mayuh ubah pemansang kelebih agi ba menua pesisir di rumah panjai,” pia ku iya.