SRDC udah netapka gintir ngumpul uras beserimbai enggau Taun Baru China
SIBU: Opis Kunsil Menua Pesisir Sibu (SRDC) udah netapka haribulan ngumpul uras beserimbai enggau Taun Baru China ti deka datai.
Sapit Chairman SRDC Robert Lau Hui Yew madah, pengawa tu deka belabuh 14 Januariuari tu berengkah ari Sungai Assan, Kampung Banyok, Pradom enggau semanjai Jalai Tanjung Kunyit.
“Nangkan ke nya (15 Januari) ditandu ba Jalai Kony Yit Khim, Taman Hwei Huong, Nibong, Jalai Nibong-Tada enggau Ulu Sungai Salim.
“Kena 16 Januari, Jalai Nanga Pak, Telian, Jalai KJD-Durin, Pasar Durin, semanjai Jalai KJD enggau Batu Wong.
“Jalai Igan- Maaw, Jalai Kwong Ming, Jalai Kwong Tiing, Jalai Ting Sing, Jalai Hock Ming, semanjai Jalai Sungai Maaw, Jalai Chew Kung, Ensurai, Empawah, Bukit Lan, Lebaan, Bawang Assan enggau Jalai Ling Chu Ming (17 enggau 18 Januari),” pia ku iya madah maya aum media ditu, kemari.
Nambahka nya, iya madah, pengawa nya deka ditandu baru ba semanjai Jalai Trusan, Rantau Panjai, Sungai Pasai, Taman Bumi Indah, Taman Green Park enggau Taman Bougenvilla (19 Januari).
Taman Pradom, Taman Pine Seduan, Jalai Kemuyang, semanjai Jalai Oya nyentuk Batu 25 enggau Jalai Oya (20 Januari).
Semanjai Jalai Tunku Abdul Rahman, Taman Jade Villa, Taman Upcojaya, Jalai Durin Link, Taman Sunhill enggau Jalai Sengan ( 21 Januari).
Genturung Pendiau Sibu Jaya, Flat Sibu Jaya, Palan Komersial Sibu Jaya, Taman Terrace, Taman Cyristal enggau Lot Industri (22 enggau 23 Januari).
Lalu kepenudi iya nya semanjai Jalai Ulu Oya (Batu 25), Sekuau, Pasar Stapang, Tamin, Pasar Selangau, Tepus enggau Arip (24 Januari).
Berebak enggau tu, Lau madah, uras ke digumpul sida enda nyengkaum uras baka datai ari kebun tauka industri.
“Kitai minta mensia mayuh ulih nugungka uras sida ba tisi jalai tauka ba endur ti udah disediaka sebedau haribulan ti udah ditetapka ngambika bala kontriktor muntang ngambi uras kita,” ku iya madah baru.