PPKS ngelalau komuniti China nambah pengelandik ba TVET
SIBU: Opis Kaunsil Sibu (SMC) deka neritka agi atur ba pekara pemeresi kandang mengeri tu dalam tuju nempa pemeresi enggau pengerai ti manah.
Chairman SMC Datuk Tiong Thai King madah, SMC bekenaka belanja lebih RM 300,000 dikena ngumpul uras.
Dalam atur baru tu ku iya, SMC ngeletak ukum sepenyampau RM500 ngagai orang ke ditemu muai uras sebarang alai.
“Ba tuju ke sebaka SMC mega numbuhka ‘ Agenda 21 SMC’ dikena ngemujurka pengawa muai uras nitihka bansa uras nyengkaum uras ke tau dikena baru,” pia ku iya maya betuaika Aum Kaunsil SMC ba opis SMC, Ringkat 24, Wisma Sanyan ditu, kemari.
Dulu agi ari tu, Tiong mega dipebasa bejadi Kimpin Ngiyar Uras Ti Ulih Digaga Baru ba Dataran Bandar Sibu ditu.
Bekenangka kimpin nya, iya ti mega Kaban Kunsil Nengeri (ADUN) Dudong madah, kimpin tu bela dikemujurka opis perintah nyengkaum sekula kelimpah Gerempung Ukai Dikuasa Perintah (NGO) enggau kompeni besaup nempa rampa menua ti beresi.
“Berindik ari tu, kitai ngarapka mensia mayuh ulih ngemeranka konsep 3R ( Dikurang, Dikena Baru sereta Digaga Baru).
“Kelimpah ari nya, penemu sentang pemeresi rampa menua mega patut diterenak ba bala nembiak iya ke patut diembing bala apai indai, sekula kelimpah piak ke bekaul,” ku iya madah baru. MIRI: Palan Pemansang Pengelandik Sarawak (PPKS) bisi juluk meransang kaul raban bansa China dalam ngangkatka pengelandik sida ba bidang Pelajar Teknikal enggau Latih Vokasional (TVET).
Direktor Kampus PPKS Miri, John Rizal Biki madahka raban bansa China di mengeri tu patut ngena awak ke diberi perintah enggau nyereta kus pengelandik ke dipelanja.
“Berebak enggau nya, kami udah nerima geran ti muka dua program iya nya ‘Skim Perantisan Mekatronik’ (SPM) enggau ‘Pengiktirafan Pencapaian Terdahulu’ (PPT).
“SPM nyadi pengawa begulai PPKS entara piak Pemansang Orang Gawa Berhad (PSMB) enggau piak industri alai bala nembiak deka dipelanja kompeni ke dipilih ngambi nyereta pelajar ti bekaul,” ku iya rambau randau begulai enggau Balai Dagang enggau Pengawa Industri China Miri (MCCCI), ditu bedau lama.
Ku John nampung, ungkup program PPT, sida ke gawa ti ngembuan peneleba ambis enda lima taun sereta bisi ati ngembuan Sijil Kemahiran Malaysia (SKM) enggau Diploma Kemahiran Malaysia (DKM) endang diperansang nganjung peminta.
“Program tu ngambika pekereja profesional nerima setipikit pengelandik ari Opis Pemansang Pengelandik (JPK) enggau semina nyediaka portfolio sereta mandangka diri ulih besemekih dalam sekeda pekara.
“Di Miri kami nyediaka rejista PPT ungkup kus Elekterik, Mekatronik, Elektronik Industri, Sistem Komputer, Pengurusan Pejabat, enggau Rekaan Grafik,” ku iya.
Ba lansa ke bukai, Lee dekaka mayuh agi kerejasama dikena naburka penerang ti bekaul enggau PPKS.
“Tu beguna endar ngambika piak kami ulih ngenataika penerang dikena meransang bala nembiak bansa China ngaul diri dalam bidang pengelandik kelimpah ari akademik,” ku iya.
Randau nya mega bisi digulu Menijar Ngereja Pengawa enggau Orang Gawa PPKS Miri Tuah Basir, Menijar Program enggau Pelajar Ida Kartini Shanat sereta bala kaban Exco MCCCI.
Sida ke bisi ati ba program ke bisi dibuka ba PPKS Miri tau betelefon nuju Eksekutif Pekara Makit PPKS ba lumur 085-622184/194 tauka ngenataika diri ba opis di Blok 1, MCLD, Jalan Shell, Lutong, Miri.