Penyampau temuai datai ke Sarawak nambah
Statistik nya chukup manah lalu dikearap ulih nyaup nyapai juluk 5 juta iku temuai ba taun 2017
KUCHING: Penatai temuai ke Sarawak dalam bulan Januari 2017 niki 48 peratus enti dibandingka enggau penyampau ba bulan ke sama taun 2016.
Sekretari Mendam Opis Menteri Dagang Temuai Datu Ik Pahon Joyik madah statistik nya chukup manah lalu dikearap ulih nyaup nyapai juluk 5 juta iku temuai ba taun 2017.
‘Ba taun 2016, kitai ngerikut 4.6 juta iku temuai datai ke Sarawak.
“Kepala Menteri ke mega Menteri Dagang Temuai udah netapka tagit 5 juta iku temuai ba taun 2017.
‘Bepelasarka statistik bulan Januari 2017 lalu nengah pengeransing semua ijinsi enggau kompeni ke bisi kaul enggau industri dagang temuai, tagit tu ulih
Kepala Menteri ke mega Menteri Dagang Temuai udah netapka tagit 5 juta iku temuai ba taun 2017. Datu Ik Pahon Joyik Sekretari Mendam Opis Menteri Dagang
dijapai,’ku Ik Pahon.
Iya mansutka jaku nya rambau bejadi ‘10th Sarawak MATTA Fair 2017 ke diatur di Boulevard Mall ditu, kemari.
Nitihka penerang ari Ik Pahon, ba bulan Januari 2016 ngerikut 283,000 iku temuai datai ke Sarawak lalu ungkup bulan ke sama taun 2017, penyampau temuai ngelui 420,000.
Ari penyampau nya ku iya, 40 peratus temuai ke datai ari Semenanjung Malaysia lalu 34 peratus temuai ari menua Singapura.
Meretika pemerat industri dagang temuai ti udah mai pemisi penyampau RM8.3 biliun ba GDP ngagai nengeri tu, Ik Pahon ngelalau ijinsi enggau kompeni ke bekaul ngadu kerejasama rat enggau Perintah.
“Opis menteri bisi nyendia program sereta deka meri bantu dikena nentu kitai nyapai juluk ke ditetap.
‘ Nengah kerejasama ari semua, Sarawak deka nyadi nengeri ke ditapat orang dagang temuai baikka nya ari dalam tauka luar menua,’ku iya.
Peluang ba industri dagang temuai tu meseti dikerebut enggau lengkas, enti enda pia orang bukai deka ngambi, tandu iya.
Penyampau 70 kompeni ke bisi kaul enggau industri dagang temuai datai ngulu pengawa ke diatur 3 hari berunggu berengkah 10 nyentuk ngagai 12 Mac 2017.
‘ 10th Sarawak MATTA Fair 2017’ mega deka diatur di Miri kena 12 nyentuk ngagai 14 Mei 2017.