SUPP Pelawan dekaka Robert, Michael nyadi chalun ba PRU Ke-14

SIBU: PartiSa’atiRayatSarawak (SUPP) pampang Pelawan kena Hari Empat tu tadi udah madah dekaka Robert Lau enggau Michael Tiang nyadi chalun ba sitak Sibu enggau Lanang maya Pengawa Bepilih Besai Ke-14 (PRU14) tu.

Chairman pampang Pelawan, Clarence Ting madahka kaban ba pampang Pelawan udah baum sereta setuju enggau pekara nya.

“Enda ngira kemaya pengawa bepilih tu deka diatur. Pekara ke nyata, kami deka nyabung chalun ba dua sitak nya lalu kami deka ngerampas penuduk tu ari parti penyakal,” ku iya rambau ‘Friendship Night’ pampang Pelawan ke diatur ba indu opis SUPP di Jalai Kampung Dato.

Iya melabaka penyakal deka beambi ulih ba isu ekonomi dalam kimpin pengawa bepilih sida.

Ba program malam nya, pampang tu mega ngelaluka penatai sekeda kaban baru.

Tiang, ke nyadi Sekretari Politik Kepala Menteri madahka kaban baru ulih gawa ke parti, madahka sida ditaga ulih gawa ngagai parti enggau rayat.

“Bala kita bisi pengawa dipejalai dalam parti, tu nyata madah ngagai kitai penanggul ke ditapi rayat.

“Nya alai, nyema bala bakih tauka kita sebilik tauka orang diau besemak bisi sebana, padah ngagai kami penanggul nya lalu kitai deka ngena penau diri mantu sereta mutarka penanggul nya,” ku iya.

Ku iya, semua orang patut bejalaika pengawa diri dikena nempa raban bansa ti menyana.