50 pemesai ari JKMS nyereta kus diatur nengah kerejasama KDJA
KUCHING: Bisi 50 iku pemesai penyambung mensia mayuh ari Opis Pengintu Pengelantang Rama Nengeri (JKMS) nyereta kus pengelama empat hari berunggu ke diatur nengah kerejasama Serakup Pengarang Berita Bagi Menua Kuching (KDJA).
Kus berambaika jaku ‘Professionalism in Public Relation’ betuju meri penerang pasal konsep enggau definisi penyambung mensia mayuh ngagai bala pesereta.
Tu sebagi ari pengawa dikena ngenegap sereta ngemanahka nama enggau identiti gerempung.
Rambau kus tu, bala pesereta belajarka mayuh macham chara ngarang berita, baka ngaga penerang berita, penerang gambar enggau ke bukai.
Speaker ke bisi dikangau ari industri media iya nya chairperson KDJA, Jacqueline David, bala kaban exco KDJA Alice Wee enggau Rudi Affendi Khalik, sereta Chairman Serakup Juru Gambar Surat Berita Sarawak, Radzi Bujang.
Kus tu udah diatur ba sebengkah hotel ba, Jalai Abang Abdul Rahim ditu.
Pengawa nutup kus udah digulu Direktor Pengelantang Nengeri, Abang Shamsudin Abang Seruji kemari.