Api ke nganguska sebuah rumah ba Jalai Exzora mujur dirara bomba
SARIKEI: Sebuah rumah dua ringkat malai tanah ba Jalai Exzora, semak ditu, udah angus urung pukul 9.50 pagi kemari.
Ketuai Balai Bomba enggau Penyah Penusah Sarikei, Suna Kaha madah, penusah angus tu dipelabaka nyadi bepun ari bilik besai rumah nya.
“Lebuh bomba datai ba endur penusah nyadi, raban sida meda asap tebal benung ngabung rumah nya.
“Bepelasarka pekara nya, sida enda ulih ngerara api ngena ai ari paip bomba ke besemak sereta ngerara api ngena chara ‘offensive’ ba dalam enggau luar rumah ari nyerarai.
“Api udah mujur dirara dalam timpuh 10 minit sereta mujur dipadam 20 minit nangkan nya,” ku iya ngagai pengarang berita, kemari.
Sepenyampau 10 iku raban bomba ari Opis Bomba enggau Penyah Penusah Sarikei diketuaika Pemesai Bomba Kanan II ( PBKII) Haron Jenai sereta disaup lima iku raban ari Opis Bomba Bintangor ke udah nyereta operasyen tu.
Nitih ku Suba, pun ke bendar penusah tu enggau penyampau pengerugi ke ditapi sida ke tasih agi dipansik.
“Nadai sebarang sida ke tasah diripot bakal ketegal penusah tu.
“Penusah angus tu ngujungka rumah angus datai ba tikas 30 peratus,” ku Suna nandu.
Sama bisi datai matau penusah tu iya nya Komander Operasyen, Pemesai Bomba Kanan I (PBKI) Salim Hussein.