Sepenyampau 106 lutur pelatih diketu gawa
Sida tu enda datai gawa ngelui 400 hari dipelaba ketegal tusut runding enggau pengawa sida besesehari
MIRI: Sepenyampau 106 iku pemesai perubat ke tebal agi bala lutur pelatih dibuai gawa ketegal enda datai gawa ngelui 400 hari dipelaba ketegal tusut runding enggau pengawa sida besesehari.
Ketuai Sekretari Menua, Tan Sri Dr Ali Hamsa madah tu seiti pengerugi laban bisi sekeda sida nyulut dalam bidang perubat lalu bisi ke dipelanja perintah.
“Kitai deka mansik baru pengawa latih amali ke patut dititih bala lutur pelatih laban kitai enggaika sida ngasaika diri kelalu tusut runding maya gawa,” ku iya.
Iya mansutka jaku tu ba ‘ Ziarah Kebajikan Persatuan Pegawai Suri dan Anggota Wanita Perkhidmatan Awam Malaysia’ ( PUSPANITA) di Sepital Miri kemari.
Ali Hamsa madah dipela- baka mega lutur pelatih tu betapi enggau penanggul kelalu balat tusut runding lalu perintah deka ngiga nama kebuah sida enda datai tauka ngerarika diri ari datai gawa.
Nitih ku iya, penanggul tusut runding di serata menua enda ngira bansa sepital tauka palan, nya alai lutur pelatih tu patut ngawakka diri mantu pangan diri.
“Kitai meretika bidang pengawa sektor perubat tu berat endar lalu kitai ngarapka bala lutur ti bepeneleba tu matau lutur pelatih tauka nyaup sida napi pemar maya gawa,” ku iya nerang.
Ku Ali Hamsa nampung, dikena nentuka sepenyampau 400 iti pangku pengawa pemesai perubat ke puang diisi, perintah udah muka pangku pengawa nya sechara kunterik dikena nambahka lutur baru.
“Kitai muka pangku pen-
Kitai deka mansik baru pengawa latih amali ke patut dititih bala lutur pelatih laban kitai enggaika sida ngasaika diri kelalu tusut runding maya gawa. Tan Sri Dr Ali Hamsa Ketuai Sekretari Menua
gawa kunterik ungkup timpuh tiga taun ngagai lutur baru lalu pengudah nya sida tau milih sekalika deka terus gawa ba sektor perintah tauka peribit,” ku iya nerang baru.
Ali Hamsa mega puas ati enggau perengka guna ba Sepital Miri nyengkaum pemanah servis bala staf sepital nya ti diperatika iya antara sepital ke pemadu manah di Malaysia.
Ku iya, gaya palan gawa ti kondusif sereta lantang mega meri empas ngagai penyulut kereja sektor servis perintah kelebih agi ba pemesai enggau staf Sepital Miri.
Ali Hamsa mega ngarapka kunteriktor ke mujur bulih tinda perintah ngaga tauka ngemanahka begunan perintah ngambi bejalaika nya nitihka timpuh ke udah ditetap.
Sama bisi datai Chairman PUSPANITA, Puan Sri Datuk Rohani Abdullah, Ketuai Direktor Servis Pengawa Perintah, Datuk Seri Zainal Rahim Seman, Sapit Ketuai Sekretari Kanan, Opis Menteri Besai, Tan Sri Othman Mahmood, Direk- tor Opis Pengerai Sarawak, Dr Jamilah Hassim enggau Direktor Sepital Miri, Dr Jack Wong Siew Yu.