Bekal minyak sumai di Bintulu chukup sereta ba tikas rega ti patut
BINTULU: Bagi Menua Bintulu ngembuan bekal minyak sumai ti chukup lalu nadai napi penanggul suntuk minyak sumai taja bisi berita ti ditabur ba media rama ‘Facebook’ bedau lama ke udah.
Pekara tu udah dipadah Ketuai Opis Menteri Dagang Dalam Menua, Koperasi enggau Orang Bebelika Barang (KPDNKK) Pampang Bin- tulu, Salihin Den lebuhka ditanya bekaul berita ti madahka suntuk bekal minyak sumaidi bagi menua nya sereta dijual ngena rega ti mar.
“Piak KPDNKK Pampang Bintulu nyamin bekal minyak sumai ke lebih ari 30 tan metrik sebulan dibekal ngagai pemborong besai di Sungai Nyigu sereta sekeda pemborang ke bukai ti mekal urung 18 nga- gai 20 tan metrik ngujungka bekal minyak sumai tu lebih ari chukup lalu nadai kebuah ti patut ngasuh irau bekaul isu tu,” ku iya nyemetak.
Iya mansutka jaku nya lebuhka dirandau media pengudah tembu operasyen meresa bekal minyak sumai ba palan pemborang bekal barang nya, bedau lama ke udah.
Ku Salihin nambah, enggau bekal ninting bulan urung 300 tan metrik ungkup guna lebih 200,000 iku peranak di Bintulu nyadika bekal lebih ari chukup lalu nadai sebarang penanggul suntuk komoditi nya.
Nya alai ku iya, iya ngarapka bala penguna enda berebut meli laban bekal komoditi tu chukup lalu enti sema bisi napi penyuntuk, sida tau madah terus ngagai piak KPDNKK Pampang Bintulu.
“Pia mega, piak kitai nangkan semua orang dagang ke nyual minyak sumai tu ngambi enda nikika rega ngelui ari rega ti ditetapka opis menteri,” ku iya.
Kebuah pia ku iya, sida (orang dagang) tau ditinggang ukum undang-undang tauka kompaun nyema nikika rega minyak sumai sepeneka ati lalu nadai berundingka inisiatif ti dipejalaika perintah kena ngelempungka tating belanja ditapi rayat.
Berebak enggau nya, Salihin mega nangkan mensia mayuh diau ngelingi ditu ngambi ngeripot nyema bisi nemu sebarang palan bejual sengaja nyual minyak sumai tauka rega barang dijaga eng- gau rega ngelui ari ke ditetap nyengkaum sengaja ngetuka bekal barang pemakai sereta penyalah ke bukai.
Sebarang tanya ku iya tau terus nuju KPDNKK Bintulu ba lumur 086-332176, faks (086-338252),email ke e- aduan@ kpdnkk. gov. my tauka ngelawa Opis KPDNKK Bintulu empu ba Jalai Tun Razak.