Penyelai di S’wak berupai dipeda maya pengerami
Enda ngira nama pengerami, rayat Sarawak tebuka runding berami begulai taja bebida bansa, pengarap
MIRI: Sarawak mujur ngayanka penyelai iya nya rayat ti bebida etnik ulih begulai berami ngintu hari besai bansa bukai.
Kaban Kunsil Nengeri (ADUN) Telang Usan Dennis Ngau madah, enda ngira bansa enggau pengerami ke diatur di nengeri tu, tetiap iku peranak Sarawak chukup tebuka runding sereta bekunsika semua pengerami nadai ngira bansa enggau jalai pengarap sida.
“Nadai nengeri bukai di Malaysia baka Sarawak Bumi Kenyalang berupai nyelai iya nya ngembuan mayuh bansa enggau hari besai ke alai peranak ditu ulih begulai berami sereta nadai berasai nangi tauka takut,” ku Dennis madah ngagai The Borneo Post pengudah nguluka bansa Orang Ulu ari DUN Telang Usan enggau DUN Murum nurun ngabang Gawai ngagai Menteri Bekal Ai enggau Elekterik Menua Pesisir Sarawak ke baru dipadu Datuk Dr
Nadai nengeri bukai di Malaysia baka Sarawak Bumi Kenyalang berupai nyelai iya nya ngembuan mayuh bansa enggau hari besai ke alai peranak ditu ulih begulai berami sereta nadai berasai nangi tauka takut. Dennis Ngau ADUN Telang Usan
Stephen Rundi di rumah panjai iya, Rumah Meikel Ding, ensanus.
Bela bisi nyempulang raban betanda peranak asal menua Taiwan diuluka raban Taiwan.
Sama bisi datai ngabang iya nya ADUN Murum, Kennedy Chuk Pai enggau Kaban Parli- men (MP) Bintulu Datuk Sri Tiong King Sing.
Nitih ku Dennis, Sarawak ke alai peranak Sarawak nadai ngira bansa sida udah datai berami hari besai bansa bukai sereta bebasaka pengarap, adat enggau jalai pengarap.
Ku iya, taja tebal agi komuniti Orang Ulu ngintu Kris- mas di rumah panjai tauka di mengeri, tang sida mega deka ngabang ngagai komuniti Iban ti ngintu Gawai Dayak enggau komuniti Islam maya Hari Raya sereta komuniti China maya pengerami Taun Baru China.
Pia mega ku iya, nadai endur di menua bukai peranak iya begulai enggau pangan diri berami lalu tu mih penyelai Sarawak nyengkaum Gawai enggau Pesta Ledoh sereta ke bukai.
Ku Dennis, penatai sida sebuat udah disambut manah ngintu Gawai enggau mantaika adat enggau main asal komuniti Iaban nyengkaum ngajat ngelalu pengabang enggau penuh basa sereta penyiru.
Rambau ngintu Gawai, Dennis enggau Kennedy berasai alit ati enggau sebengkah etnik ari menua Taiwan ti bisi kelinggai nyauka sebaka enggau indu Orang Ulu di Sarawak.
Semua temuai dinahka enggau pemakai asal bansa Iban kelimpah ari Ngajat enggau tanda kena berami.