MPAKS deka ngatur randau siri Ke-3 kena 19-20 Ogos: Fatimah

KUCHING: Majlis Pembangunan Awal Kanak- Kanak Sarawak ( MPAKS) deka ngatur Randau Nyeridi Taska Siri Ke-3 kena 19 ngagai 20 Ogos 2017.

Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit, Datuk Fatimah Abdullah madahka, randau nya diatur ba Institut Aminuddin Baki Pampang Sarawak (Santubong).

“Randau ke berambai jaku ‘ Penghayatan Asuhan Kanak- Kanak’ dipelaba deka dipenyadika YABhg Datin Amar Datuk Juma’ani Tun Tuanku Bujang.

“Kami nagit 330 iku penyeridi Taska Berejista di Sarawak datai ngulu randau tu ila,” ku iya. nyerumba aum pengarang berita Mesyuarat MPAKS Bil.2/2017.

Dulu ari nya iya nyadi chairperson Aum MPAKS Bil. 2/ 2017 ti diatur ba sebuah hotel ditu kemari, ti sama bisi digulu Menteri Muda Orang Indu, Ruang Bilik enggau Pemansang Nembiak Mit, Rosey Yunus sereta Direktor Opis Orang Indu enggau Ruang Bilik Nengeri Sarawak, Noriah Ahmad enggau ke bukai.

Nitih ku Fatimah, nyerumba randau 2017 nya, MPAKS deka meri insentif ngagai taska ke nyulut sereta bekualiti, bepelasarka kualiti standard ke udah ditetapka.

“Ba randau Taska 2017, kami deka meri gelar ke dibagi ngagai tiga kategori iya nya Kategori Taska Peribit RM3,000, Kategori Taska Perintah (RM3,000) enggau Kategori Semua RM4,000,” ku iya.

Tajuk keretas kereja ti dipejuaraika maya sesi randau iya nya ‘ Penghayatan Makna Pengasuhan’, lalu ke nyadi moderator iya nya Dr. Siti Zaliha Reduan sereta kaban panel iya nya Juiter Abang, Roslind Batu enggau Ng Kui Choo.